Ekinshi týrǵa qos ujym da jaqsy kóńil-kúımen keldi. Alǵashqy kezdesýde Nıderlandy Ýkraınany 3:2 esebimen jeńse, Avstrııa Soltústik Makedonııadan 3:1 esebimen basym túsken bolatyn. Osy turǵydan alǵanda Avstrııa gol sany jaǵynan da, upaı turǵysynan da Nıderlandymen terezesi teń turdy. Al shynaıy oıyn jaǵdaıynda árıne, bári basqasha órbidi.
Frank de Býr oıynshylary tóreshi ysqyryq shalysymen gol soǵýǵa árekettenip baqty. 11 mınýtta Memfıs Depaı penalıden esep ashty. Budan soń Nıderlandy quramasynyń shabýyly biraz saıabyrsyp qaldy. 40 mınýtta Depaıdyń esepti eseleıtin múmkindigi bolǵan, biraq tamasha pozısııadan dopty bıik tepti.
67 mınýtta Nıderlandy fýtbolshylary jyldam qarymta shabýylǵa shyǵyp, qarsylas qaqpasyna lap qoıdy. Donıell Malen der kezinde Denzel Dıýmfrıske pas asyryp, sońǵysy bos qaqpaǵa goldy esh qıyndyqsyz saldy. Bul esep oıyn sońyna deıin ózgergen joq. Osylaısha, Nıderlandy quramasy pleı-off kezeńine joldama aldy.
Sońǵy týrda 21 maýsym kúni Soltústik Makedonııa men Nıderlandy kezdesse, Ýkraına men Avstrııa 3 upaıǵa talasatyn bolady.
