«Jalpy siz aıtyp otyrǵan mysaldy «Halyq únine qulaq asatyn memleket» tujyrymdamasynyń ómirde iske asýy dep aıtýǵa bolady. Biraq ákimderdi qyzmetinen alý – Memleket basshysynyń bul keleńsizdikke nazar aýdarýynyń bir bóligi ǵana. Árıne, sheneýnikterdi jazalap, jumystan alý jýrnalıster úshin árqashan tartymdy aqparattyq sebep ekenin bilesiz. Biraq munyń artynda basqa da jumystar jatyr. Prezıdent eńbek tapshylyǵy bar óńirlerden halyqty kóshirý isiniń sapaly atqarylýyn tapsyrǵan bolatyn», dedi Prezıdent ákimshliginiń ókili.
Dáýren Abaev bul baǵdarlamanyń maqsaty Ońtústik pen Soltústik arasyndaǵy demografııalyq teńgerimsizdikti joıý ekenin eske saldy.
«Bul jumys josparly túrde, naýqanshyldyqqa salynbaı, san qýalap ketpeı iske asýy kerek. Qonys aýdarýshylarǵa jaǵdaı jasaý qajet. Bul – aksıoma. Biraq qonys aýdarýshylar da jańa ortaǵa beıimdelip, ıntegrasııaǵa túsý kerektigin túsingeni abzal. Tek ákimdikke shaǵymdana bermeı, óz taǵyrlary úshin jaýapkershilikti óz qoldaryna alýy kerek. Kóbi surap jatyr. Aýdan ákimderine nege qatań jaza qoldanyldy? Ony da ońaı túsindirýge bolady. О́ıtkeni bul baǵdarlama adamdardyń taǵdyrymen baılanysty», dedi D. Abaev.
Aıta keteıik, Qasym-Jomart Toqaev «Kazahstanskaıa pravda» gazetinde jarııalanǵan «Zalojnıkı ravnodýshııa» atty maqalada aıtylǵan máselege nazar aýdaryp, eki aýdannyń ákimi qyzmetinen alynǵan bolatyn.
