Bul aqparatty partııanyń aımaqtyq fılıaly rastady.
UQK qyzmetkerleri QR QK 262 – baby – «Uıymdasqan top, qylmystyq uıym qurý jáne oǵan basshylyq etý, sol sııaqty olarǵa qatysý» boıynsha 22 adamǵa qatysty qylmystyq is qozǵady. Samalıkovtyń ózine QR QK–niń taǵy bir baby «Senip tapsyrylǵan bótenniń múlkin ıelený nemese ysyrap etýi» boıynsha aıyp taǵylǵan.
Oblystyq fılıaldyń partııalyq baqylaý komıssııasy bul másele boıynsha otyrys ótkizdi. Saıası keńes Bıýrosynyń qorytyndysy boıynsha Samalıkovty Nur Otan qatarynan shyǵarý usynyldy. 18 maýsymda partııanyń Maqat aýdandyq fılıaly Saıası keńesi Bıýrosynyń otyrysynda Samalıkovty partııa qatarynan shyǵarý týraly sheshim qabyldandy.
«Aq Jaıyq» portalynyń málimetinshe, Abzal-Senbın Samalıkovqa jáne taǵy 22 adamǵa qatysty Atyraý oblysy UQK departamenti qylmystyq is qozǵaǵan. Qazirgi ýaqytta eks-depýtat úı qamaqta.
«Tergeýge alynǵan barlyq adamdarǵa, sonyń ishinde Samalıkovqa Maqat stansııasyndaǵy júk poıyzdarynyń sısternalarynan janar-jaǵarmaı urlaǵany úshin aıyp taǵylýda. Tergeý málimetteri boıynsha, ótken jyldyń 31 maýsymy men 31 qazany aralyǵynda kúdiktiler 20 mıllıon teńgeden astam somaǵa 120 tonna urlanǵan janar-jaǵarmaı satqan», dep jazady «Aq Jaıyq» portaly.
Botagóz AMALBEK
