Fýtbol • 18 Maýsym, 2021

EURO-2020: Shvesııa alǵashqy jeńisine qol jetkizdi

240 ret kórsetildi

Fýtboldan Eýropa chempıonatynyń toptyq kezeńdegi ekinshi týr oıyndary jalǵasýda, dep habarlaıdy Egemen.kz.

Búgin E toby tobynyń úzdikteri – Shvesııa jáne Slovakııa quramalary kezdesip, match skandınavııalyqtardyń jeńisimen aıaqtaldy.

Sankt-Peterbýrgte (Reseı) «Gazprom Arenada» ótken kezdesýdiń birinshi taımynda jankúıerler gol kóre almady. Degenmen, alǵashqy 45 mınýtta Slovakııa fýtbolshylary belsendi boldy. Biraq Marek Gamshık bastaǵan ujymǵa búgingi oıynda gol soǵý baqyty buıyrmady.

Úzilisten keıin Shvesııa quramasy matchty óte qarqyndy bastady. Ekinshi taım bastala sala alǵa umtylǵan skandınavııalyqtar matchtyń 77-mınýtynda óz degenderine jetti. Kezekti bir shabýyl kezinde Slovakııa qaqpashysy Martın Dýbrovka óz alańynda Shvesııa fýtbolshysyna qarsy oıyn erejesin buzyp, tóreshi 11 metrlik aıyp dobyn belgiledi. Al óz kezeginde Emıl Forsberg penaltıden múlt ketken joq. Esep – 1:0.

Slovakııa fýtbolshylary gol ótkizip alǵannan keıin oıyn tizginin óz qoldaryna alyp, esepti teńestirýge qansha tyrysqanymen Shvesııa qorǵaýshylary men qaqpashysy qyraǵylyq tanytyp, qarsylastaryna esh múmkindik bergen joq. Osylaısha Shvesııa quramasy Eýropa chempıonatyndaǵy alǵashqy jeńisine qol jetkizdi. Olar ótken týrda Ispanııa quramasymen teń túsken edi.

E tobynyń týrnır kestesinde Shvesııa 4 upaımen kósh bastady. Al úsh upaıy bar Slovakııa ázirshe ekinshi orynda tur.

Sońǵy jańalyqtar

Shymkentte taǵy bir aýdan qurylady

Qoǵam • Búgin, 16:58

Almatyda qant qymbattap barady

Qoǵam • Búgin, 16:45

Dollar baǵamy ósti

Qarjy • Búgin, 16:12

Uqsas jańalyqtar