Men «SQ-Farmasııa» men Berik Sháriptiń esh olqylyq jasamaǵanyna senimdimin, ásirese qasaqana. Fors-major boldy, bul Qytaıdaǵy prosesterdiń oryndalmaýynan boldy. Qytaı Qazaqstanmen kelisimshart talaptaryn buzdy. Tıisinshe, Qazaqstan tarapy «SQ-Farmasııamen» jetkizý merzimin buzdy. Bul azamattyq-quqyqtyq qatynastar, ondaılar bolyp turady. Bul – fors-major jaǵdaı, kelisimshart jasasqan «SQ-Farmasııa» Qazaqstanǵa osy jetkizilimdi jedeldetý úshin qajettiniń bárin jasady jáne biz premer-mınıstrdi qosa alǵanda, osyǵan kýámiz. Biraq, ókinishke qaraı, obektıvti jaǵdaıǵa baılanysty Qytaı jaǵynda kedendik rásimdeý buzyldy», dedi Birtanov sot otyrysynda.
Onyń aıtýynsha, Berik Sháriptiń esh kinási joq.
«Berik Shárip jergilikti taýar óndirýshiler úshin 60 kún jáne sheteldik taýar óndirýshilerge 90 kún merzimi boıynsha belgilengen ýaqyt tártibimen táýekelge bara almady, biz asyqtyra bastadyq, barlyq elshi búkil álem boıynsha mata men maskalar izdedi. Kelisimshartqa qol qoıylǵany belgili bolǵanda men qosyldym. Mundaı jaǵdaıda, meniń oıymsha, Berik Sháriptiń esh kinási joq. Kerisinshe, ol osy kelisimshart boıynsha jeke qorǵaný quraldaryn jetkizýdi jedeldetý úshin qoldan kelgenniń bárin jasady», dedi Birtanov.
Sondaı-aq ol Berik Sháripti adal qyzmetker dep sanaıtynyn da aıtty.
«Men ony adal qyzmetker dep sanaımyn. Meniń tarapymnan qorqytý ıa psıhıkasyna qysym bolmaǵanyn basqa áriptesterim de rastaı alady. Men úshin sol kezde de, qazir de tenderdi kim jeńetini mańyzdy bolmaǵan. Berik Sháripuly eki jyl basqarma mindetin atqarýshy boldy. Osy ýaqyt ishinde mıllıardtaǵan dollarǵa kelisimsharttar jasaldy, birde-bir kompanııaǵa artyqshylyq berilmedi. Basqa kompanııalardan eshqandaı shaǵym túsken joq», dedi Densaýlyq saqtaý mınıstrliginiń burynǵy basshysy.
Eske salaıyq, 2020 jyly tamyzda «SQ-Farmasııa» JShS-niń burynǵy basqarma tóraǵasy Berik Sháriptiń ustalǵany belgili boldy. Osydan birneshe kún buryn Prezıdent Qasym-Jomart Toqaev «SQ-Farmasııa» tóńireginde klandyq múddeler bar ekenin málimdedi.
Shárip qazir dárigerlerdiń jappaı vırýs juqtyrýyna kináli dep aıyptalyp otyr, óıtkeni ol qorǵanys quraldaryn jetkilikti deńgeıde ýaqytynda ákelmedi. Aıyptaý nusqasy boıynsha, bul eki myń medısına qyzmetkeriniń koronavırýs juqtyrýyna sebep boldy.
