Qoǵam • 21 Maýsym, 2021

Jelide vaksına pasportyna qatysty jalǵan aqparat taralýda

98 ret kórsetildi

Messendjerlerde jaqyn arada vaksına pasporty joq adamdar óz kólikterin otaldyryp, derbes kompıýterler men basqa da jabdyqtardy qoldana almaı qalady degen habar tarady, dep habarlaıdy Egemen.kz.

Boljam boıynsha, vaksınasııa pasporttarynda «aqyldy» qurylǵylardy iske qosatyn QR kod bar. Bul kodtarsyz gadjetterdi paıdalaný nemese kólikti otaldyrý múmkin bolmaıdy eken.

QR kod, qarapaıym tilmen aıtqanda, shtrıhkodtyń jetildirilgen nusqasy. Ádette, QR kodtar kez kelgen aqparatty oqý úshin qoldanylady. Osyndaı jetildirilgen shtrıh-kodtardyń kómegimen taýar nemese qyzmet týraly derekterdi alýǵa, qujattyń, is-sharaǵa nemese qoǵamdyq kólikke bılettiń túpnusqalyǵyn tekserýge bolady. Vaksınasııa pasportynda QR kod bar.

Qazaqstandyq vaksınalaý pasporttarynda olar qujattyń túpnusqalyǵyn tekserý úshin qyzmet etedi. Eýroodaq elderindegi vaksınasııa pasporttarynda adamnyń qashan, qaıda jáne qandaı vaksınamen egilgeni týraly mańyzdy aqparat berilgen. Bul týraly Eýropalyq komıssııanyń resmı saıtynda aıtylǵan.

Mundaı QR kodtar oqý qurylǵylaryna zııan keltire almaıdy. Kodty oqý úshin arnaıy qosymshasy bar smartfon nemese ınternetke qosylǵan kompıýter qajet. Kompıýterdegi kodty oqý úshin arnaıy saıtqa kod keskinin júkteý kerek. Kodta jazylǵan aqparatty qolmen de tekserýge bolady, biraq buǵan ýaqyt ketedi. Kólikti basqarýdyń elektrondy blogy, kompıýter nemese aınalamyzdaǵy basqa qurylǵylar QR kodty ózdiginen tanı almaıdy.

Demek, vaksınasııalanbaǵan adamdar vaksınasııa pasportynyń QR-nan týyndaǵan teris áserge baılanysty avtomobılder men tehnıkany paıdalana almaıdy degen habarlamalar jalǵan bolyp tabylady. Buǵan eshqandaı ǵylymı negizdeme joq, al qujattardaǵy QR-kodtardyń mazmuny qupııa emes.

Sońǵy jańalyqtar

Elorda «jasyl» aımaqqa ótti

Koronavırýs • Keshe

Uqsas jańalyqtar