22 maýsym saǵat 11.50 kezinde Shymkent qalasy TJD jedel-qutqarý jasaǵynyń qutqarýshylary máıitti Aıǵyrjyqqan jáne О́gem ózenderiniń toǵysqan jerinen eki shaqyrym joǵaryda sý túbinen tapqan.
Bul týraly Tótenshe jaǵdaılar mınıstrliginiń resmı ókili Talǵat Ýálı málimdedi. Múrdeni tasymaldaý úshin «Qazavıaqutqarý» AQ tikushaǵy oqıǵa ornyna bara jatyr.
Tabylǵan máıit saraptama jasalý úshin polısııa qyzmetkerlerine tabystalady.
Izdestirý jumystary 8 baǵyt boıynsha júrgizildi.
Oǵan 107 adam, 17 tehnıka, 3 kvadrokopter, 4 kınologııalyq esep pen 1 tikushaq jumyldyryldy. Esterińizge sala keteıik, 25 mamyr kúni saǵat 18.30-da «112» pýltine jeti týrıstiń joǵalyp ketkeni týraly habarlama kelip túsken.
Izdeý jumysy 27 táýlik boıy jalǵasty. Buǵan deıin 3 týrıst qutqarylsa, taǵy úsh týrıstiń máıiti tabylǵan bolatyn. TJM barsha azamattarǵa taýly jerlerde qaýipsizdik sharalaryn qatań saqtap, daıyndyqsyz taýǵa shyqpaýǵa shaqyrady.
Eske salsaq, 21 mamyr kúni Túrkistan oblysynyń «Sary aıǵyr» shatqalyna jaıaý bet alǵan 7 týrıst joǵalyp ketti. 24 mamyrda olar keri qaıtýy kerek bolatyn.
25 mamyrda jastardyń joǵalǵany týraly «112» pýltine habar berilgen. 28 mamyrda 7 adamnyń 3-eýi tabylyp, qutqaryldy.
Al 29 mamyr kúni eki týrıstiń denesi tabyldy. TJM resmı ókili Talǵat Ýálı qalǵan eki adamdy izdeý jumysy jalǵasyp jatqanyn málim etken bolatyn.
12 maýsym kúni Maqpalsaı shatqalynan altynshy týrıstiń denesi tabyldy.
