Qazaqstan • 22 Maýsym, 2021

Otandyq akkýmýlıatorlar Fransııaǵa eksporttalady

33 ret kórsetildi

Memlekettik qoldaýdyń nátıjesinde 300-ge tarta kásiporyn ózderiniń ónimderin alys elderge sata bastady. Bul týraly QR Saýda jáne ıntegrasııa mınıstri Baqyt Sultanov málim etti, dep habarlaıdy Egemen.kz.

«2019 jyldan beri óndirýshi zaýyttan ımporttaýshyǵa deıin taýardy jetkizý boıynsha óńdelgen ónim eksporttaýshylarynyń shyǵyndaryn óteý tetigi engizildi. Qoldaýdyń arqasynda 300-ge tarta kásiporyn ózderiniń ónimin alys elderge jetkize bastady», dedi B. Sultanov onlaın rejımde halyq aldynda esep berýi kezinde.

Ol sózine naqty mysaldar keltirdi.

«Shyǵyndy óteý zyǵyr men rapsty Belgııaǵa jetkizýge, al metallýrgııa ónimin Japonııaǵa jetkizýge kómektesti. Bizdiń akkýmýlıatorlar endi Italııada satyla bastady, sondaı-aq bıyldan bastap Fransııa naryǵyna ótkizemiz», dedi mınıstr.

Budan buryn habarlanǵandaı, Baqyt Sultanov eksportqa qatysty jaǵdaıdy aıtty.

«Karantın shekteýleri men ónim jetkizýdegi kemshilikter azyq-túlik emes taýarlarǵa suranystyń 20 paıyzǵa jýyq tómendeýine alyp keldi. Sonymen qatar lokdaýndar aýyl sharýashylyǵy taýarlarynyń saýdasyna aıtarlyqtaı áser etpedi», dedi mınıstr.

 

Sońǵy jańalyqtar

Elimizde kıik sany kóbeıip keledi

Qazaqstan • Búgin, 14:41

ShQO-da elikti atqan brakoner sottaldy

Qoǵam • Búgin, 11:20

Shýchınskide bazar órtendi

Oqıǵa • Búgin, 09:27

Ań patshasy kóbeıdi

Ekologııa • Búgin, 07:42

Uqsas jańalyqtar