Aqynnyń altyn saǵaty

1934 jyly jazýshy Maksım Gor­­kııdiń bas bolýymen Máskeýde Keńes jazý­shylarynyń búkilodaqtyq birinshi sezi ótedi. Sol kezdegi Odaq quramyndaǵy respýblıkalardyń kórkemsóz zergerleri jınalǵan mańyzdy jıynǵa Qazaqstannan Sáken Seıfýllın, Ilııas Jansúgirov, Beıimbet Maılın bastaǵan aqyn-jazýshylar delegat bolyp qatysady. Al 1936 jyly Qazaqstan Jazýshylar odaǵynda Sáken atamyzdyń ádebı jáne qoǵamdyq qyzmetine 20 jyl tolýyna oraı saltanatty kesh ótip, osy mereıli jıynda ókimet ardaqty azamatty Eńbek Qyzyl Tý ordenimen marapattap, altyn qalta saǵat tabys etedi.

Altyn qalta saǵat Shveısarııanyń «NÚ MOZER» fırmasynda shamamen 1870-1880 jyldary jasalǵan. Saǵat joǵarǵy synapty altyn 18 k /750 synama/ salmaǵy 100 gr. 1882 jyly shyqqan. Dıametri – 45 mm, úsh qaqpaqtan turady. Syrtqy qaqpaqta Sáken Seıfýllınniń esimi jazylǵan, ishki qaqpaqta «HY MOZER&CE» «ECHAP­PEMENTE ANCHE» «RERRES» «QUALITELEPAINE» fırmasy dep jazylǵan.

Sáken atamyz ustalyp ketkennen keıin qaıratkerdiń zaıyby Gúlbahram anamyz altyn qalta saǵatty aqynnyń qolynyń taby tıgen birqatar zatpen birge saqtap qalǵan. 1973 jyly ol kisi qaıtys bol­ǵannan keıin, jaqyndary olardy Almaty mu­ra­jaıyna tapsyrǵan. Qazir bul – Sáken Seı­fýllın mýzeıindegi baǵaly jádigerdiń biri.