«Aldyn ala derekter boıynsha, onyń qala boıynsha aınalym yqtımaldyǵy anyqtaldy. Tolyq genomdyq zertteý úshin qosymsha ýaqyt qajet», dedi Baıǵabylov.
Buǵan deıin Alekseı Soı Nur-Sultanda tirkelgen koronavırýs derekterin tekserý barysynda «delta» nemese úndi shtamynyń belgilerine uqsas jaǵdaıdyń tirkelgenin aıtqan bolatyn. Mınıstr bul shtamnyń ózgelerden aıtarlyqtaı aýyr ekenin eskertip, osyǵan baılanysty óńirlerden dári-dármek pen medısınalyq kómekke qajetti barlyq jabdyqpen qamtylýdy surady.
«Delta» nemese úndi koronavırýs shtamy asa kontagıozdy jáne anyqtalǵan shtamdarǵa qaraǵanda 60 paıyzǵa juqpaly, qazirgi aınalymdaǵy shtamdar 1 adamnan orta eseppen 3-4 adamǵa taralatyn bolsa, bul shtamm 5-6 adamǵa birden juǵady jáne 7 kúnge sozylatyn qysqa ınkýbasııalyq kezeńmen erekshelenedi.
