Aımaqtar • 23 Maýsym, 2021

Almaty áýejaıy men temirjol vokzaldarynda baqylaý qaıta kúsheıtildi

119 ret kórsetildi

Almaty qalasynyń ákimdigi halyqaralyq áýejaıda jáne qalanyń temirjol vokzaldarynda baqylaýdy kúsheıtý boıynsha sharalar qabyldaýǵa májbúr bolyp otyr, dep habarlaıdy Egemen.kz.

Almaty qalasy ákiminiń orynbasary Erjan Babaqumarov megapolıstiń aýmaqtyq Sanıtarlyq-epıdemıologııalyq baqylaý departamentiniń basshysy, bas sanıtarlyq dáriger J. Bekshınmen jáne qalalyq Qoǵamdyq densaýlyq basqarmasynyń basshysy N. Tabynbaevpen birge Almaty halyqaralyq áýejaıy men qala vokzaldarynyń aýmaǵyndaǵy sanıtarlyq epıdemıologııalyq  qyzmetterdiń jumysyn tekserdi.

Tekserý barysynda megapolıs aýmaǵyna ınfeksııa taralý jaǵdaılarynyń algorıtmine jáne boldyrmaýdyń aldyn alý jónindegi saqtyq sharalaryna basa nazar aýdaryldy. QR aýmaǵynda koronavırýs ınfeksııasynyń taralýyn boldyrmaý jónindegi Vedomstvoaralyq komıssııanyń jáne QR Densaýlyq saqtaý mınıstrliginiń elde «Delta» shtammynyń aınalymyna qatysty tapsyrmasyn eskere otyryp, jerústi qyzmetterdiń koronavırýstyq ınfeksııanyń taralýyna qarsy daıyndyǵy, ushý aýmaǵynda ınfeksııa sımtomdaryn anyqtaıtyn jolaýshylar úshin jekelegen ınfeksııalyq bokstardyń jumysy tekserildi.

Áýejaıǵa kire beristegi Ashyq qosymshasy arqyly testileýge de nazar aýdaryldy. Kúzet qyzmetine orta eseppen áýejaıǵa kire beriste «qyzyl» mártebeli eki-úsh jolaýshy tirkelgeni týraly habardar etilip, ınfeksııanyń odan ári taralýyna jol bermeý úshin bul adamdar jedel oqshaýlandy.

Áýejaı bazasynda aeroport bólimsheleri basshylyǵy men ókilderiniń qatysýymen koronavırýstyq ınfeksııanyń taralýyn boldyrmaý jónindegi qalalyq shtabtyń kóshpeli otyrysy ótti.

Epıdemıologtardyń aıtýynsha, Delta shtammy joǵary juqpaly ári anyqtalǵan shtamdarǵa qaraǵanda 60% juqpaly. Ortasha alǵanda, bir adamnan 5-6 adam juqtyrady, al aınalymdaǵy shtamdardan 3-4 adam. Shtammnyń ınkýbasııalyq kezeńi jeti kúndi quraıdy. Ǵalymdardyń zertteýleri koronavırýstyń úndilik shtammy aýrýhanaǵa jatqyzý men ólim-jitimniń yqtımaldyǵy joǵary ekenin aıtty.

J. Bekshın úndi shtamynyń sımptomdary basqa, úırenshikti shtammdardan ózgeshe dedi. Mysaly ıis sezý bolmaýy múmkin. Alaıda, aýrýdyń belgileri bolǵan kezde  dereý dárigerdi shaqyrýyńyz kerek, óıtkeni jańa shtamm  qaýipti. Osyǵan baılanysty qala turǵyndary ózin-ózi emdeýmen aınalyspaýy kerek.

Ákim orynbasary E. Babaqumarov Sanıtarlyq-epıdemıologııalyq qorǵaýdyń barlyq sharalaryn kúsheıtýdi, onyń ishinde áýejaı qyzmetkerlerin vaksınalaýǵa shaqyrdy. Sondaı-aq áýejaıdy dezınfeksııalaý jumystary jalǵasatyn bolady.

Aıta ketsek, Almaty epıdemıologtary qaýipti «Delta» shtammynan týyndaýy múmkin koronavırýstyq ınfeksııanyń jańa tolqynyn joqqa shyǵarmaıdy. Almaty qalasynyń koronavırýstyq ınfeksııanyń taralýyna jol bermeý jónindegi qalalyq shtaby turǵyndardy vaksınalaýǵa, sondaı-aq betperde rejımi men áleýmettik qashyqtyqty saqtaýǵa shaqyrdy.

Eske salsaq, Dúnıejúzilik densaýlyq saqtaý uıymynyń málimetteri boıynsha, 20 maýsymdaǵy jaǵdaı boıynsha SARS-CoV-2 «Delta» shtammy álemniń 74 elinde anyqtaldy.

 

 

ALMATY

Sońǵy jańalyqtar

Agrosalada ilkimdi ister kóp

Aımaqtar • Keshe

«Aıqaıdyń» astary

О́ner • Keshe

Baıron uıyǵy

Ádebıet • Keshe

Berikqara shatqalyndaǵy baılyq

Ekologııa • Keshe

Qasteev qazynalary

О́ner • Keshe

«Balapan qazdyń» tarıhy

О́ner • Keshe

Abaı kúni atalyp ótti

Abaı • Keshe

Kún gúli

Tanym • Keshe

Uqsas jańalyqtar