Nur-Sultan qalasyndaǵy №2 Esil aýdandyq soty jeke kompanııanyń bas dırektoryna qatysty PTR-zertteý anyqtamalaryn qoldan jasaý jáne «Ulttyq medısınalyq ortalyq» AQ zerthanasynyń jalǵan blankilerin jasaý faktisi boıynsha úkim shyǵardy.
«Sottalýshy nysanǵa kirýge quqyq beretin resmı qujatty ilovepdf.com saıtynyń kómegimen óz JShS qyzmetkerlerine teris nátıjesi bar PTR-test anyqtamasyn qoldan jasaǵan. Sondaı-aq ol tıisti mátindik ózgerister engizip, «Ulttyq medısınalyq ortalyq» AQ zerthanalarynyń jalǵan elektrondyq blankilerin de jasaǵan», delingen sottyń baspasóz qyzmetiniń habarlamasynda.
JShS qyzmetkerleri jóndeý jumystaryn oryndaý úshin nysanǵa jalǵan qujattar boıynsha ótýge tyrysqan, biraq Memlekettik kúzet qyzmeti bul árekettiń jolyn kesti.
Sot sheshimimen kompanııa basshysyna 50 AEK (145 850 teńge) kóleminde aıyppul salyndy.
Úkim zańdy kúshine engen joq.
Botagóz AMALBEK
