22 maýsymda Jambyl oblysyndaǵy qazaq-qyrǵyz shekarasynda ornalasqan «Qordaı» ortalyq beketinde kórshi elden kelgen COVID-19 juqtyrǵan naýqas anyqtalǵany habarlandy.
Sanıtarııalyq-epıdemıologııalyq qyzmet mamandary bul derekti Qordaı aýdandyq sanıtarııalyq-epıdemıologııalyq baqylaý basqarmasynyń basshysyna jáne Jambyl oblysy sanıtarııalyq-epıdemıologııalyq baqylaý departamentine habarlady.
«Osydan keıin shuǵyl túrde naýqasty, onymen jaqyn baılanysta bolǵan adamdardy oqshaýlaý sharalary qolǵa alyndy. Azamattar shekaradaǵy ótkizý pýnktiniń aýmaǵynda ornalasqan ızolıatorǵa jatqyzyldy. Keıin sanepıd qyzmeti mamandary jedel járdem brıgadasyn shaqyrdy.
Koronavırýs ınfeksııasyn juqtyrǵan naýqastyń anyqtalýyna baılanysty ótkizý pýnkti basshysynyń buıryǵymen «Qordaı» beketi ýaqytsha jabylǵan bolatyn», delingen habarlamada.
Dezınfektorlar beket ǵımaratyn óńdeý sharalaryn júrgizip, ǵımarat aýmaǵy jeldetilgennen keıin post óz jumysyn qaıta jalǵastyrdy.
Aıta keteıik, jyl basynan beri Jambyl oblysynyń memlekettik shekarasy arqyly 185 050 adam ótse, onyń 23-i COVID-19-dy juqtyrǵan.
