Prezıdentter Qasym-Jomart Toqaevtyń bıylǵy 19-20 mamyrda Dýshanbege jasaǵan resmı saparynyń qorytyndysy boıynsha qol jetkizgen ýaǵdalastyqtardyń júzege asyrylý barysyn qarastyrdy.
Eki eldiń kóshbasshylary ózara saýda-sattyqty ulǵaıtý, ónerkásip, aýyl sharýashylyǵy, energetıka, kólik jáne ınfraqurylym salalaryndaǵy birlesken jobalardy iske asyrý maqsatynda úkimetterdiń ýaqytyly ári tıimdi is-qımyldarynyń mańyzdy ekenin aıtty.
Emomalı Rahmon Tájikstanǵa gýmanıtarlyq kómek kórsetkeni úshin Qasym-Jomart Toqaevqa alǵys bildirdi.
Memleket basshylary Aýǵanstandaǵy ahýaldyń shıelenisýine baılanysty óńirlik turaqtylyq pen qaýipsizdikti qamtamasyz etý máselelerin talqylady. Taraptar ekijaqty formatta da, kópjaqty qurylymdar aıasynda da, sonyń ishinde, áskerı-saıası sıpattaǵy birlesken is-qımyldardy úılestirýge daıyn ekenin atap ótti.
Sondaı-aq aldaǵy kezdesýler kestesi talqylandy.
