Irına Hlebnıkovanyń týystary 8 maýsym kúni moıyn aýrýyna baılanysty ýchaskelik dárigerdi shaqyrǵan edi. Aldymen olar ájeıdiń osteohondrozy bar dep oılaǵan. Biraq kóp uzamaı bezgegi ustap, jótel qysyp, artynsha býyndary aýyrǵan.
Jedel járdem brıgadasy koronavırýsqa taldaý jasap, ol oń nátıje kórsetken. Osydan keıin Irına Hlebnıkova shuǵyl túrde №3 kópbeıindi qalalyq aýrýhanaǵa jatqyzyldy.
«Aýrýhanada alynǵan analız nátıjesi óte nashar boldy. Men ózim reanımatolog retinde ájemniń aǵzasynda qandaı ózgerister bolyp jatqanyn túsindim. Ájem aýrýhanada uzaq ýaqyt boıy ottegi arqyly emdeldi. Egde jasyna baılanysty sozylmaly aýrýlary da boldy», deıdi naýqastyń nemeresi Inessa Hlebnıkova.
Jalpy hırýrgııa bóliminiń dárigeri Vıtalıı Kalınniń aıtýynsha, stasıonar dárigerleri egde jastaǵy naýqasty emdeý úshin múmkin bolǵannyń bárin jasaǵan.
«Emdeý jolyn belgileý úshin túrli sala mamandary jumyldyryldy. Birlesken kúsh-jigerimizdiń arqasynda maqsatymyzǵa jettik. Ájeı tiri, deni saý, qazir úıinde», dep atap ótti dáriger.
О́z kezeginde áje brıgadanyń feldsherlerinen bastap aýrýhana ákimshiligine deıin atsalysqandardyń bárine alǵysyn bildirdi.
Aıta ketý kerek, stasıonar dárigerleri qala turǵyndaryn jappaı vaksınasııaǵa qatysýǵa shaqyrady. Bul KVI-den qorǵanýdyń jalǵyz jáne tıimdi ádisi.
