Ol krımınalıstıkaǵa kezdeısoq kelgen joq. Bala kezden polısııa qyzmetkeri bolýdy armandady. Mekteptiń 7-synybynda oqyp júrgende telearnadan pogon taqqan qyzdar týraly habardy kórip, osy salaǵa qyzyǵýshylyǵy oıandy. Alaıda áke-sheshesi polısııa qyzmetiniń qyzdar úshin qıyn bolatynyn aıtyp, basqa mamandyqty tańdaýǵa úgittegen eken.
– Biraq júrek qalaýym osy salaǵa aýdy da turdy. Osy maqsatyma jetý úshin 2012 jyly Ishki ister mınıstrliginiń Almaty akademııasyna qujat tapsyrdym. Akademııaǵa oqýǵa túskende krımınalıst mamandyǵyn tańdadym. Bul mamandyqtyń ózgesheligi, ǵylymnyń ártúrli salasyn bilý úshin udaıy izdeniske toly jumysy qyzyqtyrdy. О́ıtkeni qylmysty ashýda krımınalıst mańyzdy ról atqarady. Ol jedel-tergeý tobynda tergeýshiden keıingi ekinshi orynda turady. Qylmys bolǵan orynǵa barǵan krımınalıst sarapshy aldymen kúdikti týraly aqparattardy jınaý úshin saǵattar boıy ár zattan saýsaq, aıaqkıim izderin shuqshııa izdeıdi. Ony tappaı tynshymaıdy. Oqıǵa ornynda qalǵan mata qıyndysy, túıme, kez kelgen qaǵaz qaldyǵyn shashaý shyǵarmaı jınap alady. Sonyń bárinen alynǵan izdi daktıloskopııalyq plenkaǵa túsiredi, – deıdi aǵa krımınalıst Uljan Orazalıeva.
Pogon taqqan ójet qyz ishki ister organyndaǵy eńbek jolyn Maqat aýdandyq polısııa bóliminde krımınalıst bolyp bastady. Atqaratyn qyzmetiniń qyr-syryn tálimgeri bolǵan aǵa krımınalıst, polısııa maıory Jasqaırat Qaldybaevtan úırendi. Qazir tájirıbeli krımınalıstiń shákirti bolǵanyn maqtan tutady.
– Maqat aýdanynda 2017 jyly páter urlyǵy bolǵan edi. Jedel-tergeý tobynyń quramynda oqıǵa ornyna men de bardym. Ury túsken úıdi qaraý kezinde birneshe saýsaq, aıaqkıim izi alyndy. Daktıloskopııalyq saraptama qorytyndysymen alynǵan iz ishki ister organdarynda esepte turatyn azamattyń izine sáıkes keldi, – deıdi polısııa kapıtany Uljan Orazalıeva. – Tergeý men tekserýdiń nátıjesinde kúdiktiniń qylmysqa qatysy dáleldenip, is sotqa jiberildi. Osylaısha, qylmystyń izi sýymaı ashylýyna krımınalıst maman retinde óz úlesimdi qosqanyma qýandym.
Taǵy birde dúkendegi urlyqty ashýǵa qatystym. Urlyq jasalǵan orynnan kóp iz tabyldy. Ádette kóp iz jedel tergeý tobyn tyǵyryqqa tireıtini belgili. Biraq óz isin jetik biletin, tájirıbesi tolysqan krı-
mınalıstiń qyraǵylyǵy qylmysqa qatysy bar kúdiktini tez tabýǵa septigin tıgizdi.
– Kóp izdiń árqaısysyn jete zertteýge den qoıdyq. Sonyń arasynan áıeldiń kıim-keshekteri men opa-dalaptarynan alynǵan iz kúdik týdyrdy. Kóp uzamaı, urlyq jasaǵan kelinshek ustaldy. Kúdikti tergeý kezinde qylmys jasaǵanyn moıyndady. Jalpy, kúndelikti jumys kezinde krımınalısterge qylmysty ashýǵa kómektesetin «qıyn jumbaqtardy» sheshýge týra keledi. Onyń sheshýin tabý ońaı emes. Sondyqtan krımınalıster ǵylymdaǵy sońǵy jańalyqtarǵa den qoıyp, bilimi men biligin udaıy jetildirip otyrady, – dep mamandyǵyna qatysty oıymen bólisti polıseı.
О́z isin jaýapkershilikpen atqaratyn aǵa krımınalıst bıylǵy jyldyń basynan beri 200-den asa oqıǵa ornyna bardy. Sol jerlerde 100-den astam zertteý júrgizip, ondaǵan qylmystyń der kezinde ashylýyna tikeleı úlesin qosty. Sondaı-aq birneshe ret tergeý isine bilikti maman retinde qatysty.
– Ishki ister organynda qyzmet atqarǵanyma, krımınalıst mamandyǵyn tańdaǵanyma esh ókinbeımin. О́ıtkeni krımınalıst – kúrdeli ári erekshe mamandyq. Qazir mende bir ǵana maqsat bar. Bul – oblystyq polısııa departamentiniń jedel krımınalıstıka basqarmasy bastyǵynyń orynbasary, polısııa polkovnıgi Nıkolaı Mıhaılovskıı sekildi óz isin jetik meńgergen isker maman bolý, – dep aldaǵy maqsatymen bólisti.
Qazir polısııa kapıtany Uljan Orazalıeva Atyraý qalalyq polısııa basqarmasyndaǵy jedel krımınalıstıka tobynda aǵa krımınalıst bolyp qyzmet isteıdi. Árdaıym izdenimpazdyǵymen erekshelenetin ol áriptesteriniń qurmetine bólenip júredi. Árıne polısııa qyzmetkerlerinde bos ýaqyt kóp emes. Degenmen, qoly bosaı qalsa, sportpen aınalysqandy, kitap oqyǵandy unatady. Al demalysynda ata-anasyna kómektesip, dastarqan mázirin daıyndaǵandy jaqsy kóredi.
Atyraý oblysy
