SOǴYS ARDAGERIMEN KEZDESÝ

Jamandyq ataýly adamǵa qasiret pen qaıǵy ákeledi. Qudaı elimizdi osyndaıdan saq­tasyn. Al “soǵys” degen sýyq sózde nebir alapat jat­qanyn ony basynan ótkergen búgingi aǵa býyn ardagerler jaqsy biledi. Oq pen ottyń or­tasynan qyryq jyl qyr­ǵyn bolsa da tatatyn dám-tuzy barlar ǵana tiri oralyp, búgin­de aramyzda júr. Aı emes, kún sanap qatary sıregender ara­synda Kárim Ospanov atamyz­dyń ómir deregi kóńil terezemizge sáýle túsi­rip, pikirlessem degen nıetimiz­ge jeteledi. Toqsanǵa taıaǵan ata­myz ómirdiń kermek dámin erte tatypty. Nemisterdiń beıbit elge kenetten soǵys ashýy talaı otba­sy­nyń shańy­raǵyn orta­syna túsi­rip, balany jetim, áıel­di jesir etip, qaıǵy-muń ákel­geni anyq. Qandy qyrǵyn jal­ǵasqan 1942 jylǵy aqpan aıynda soǵys keńesiniń buıry­­ǵymen Stalıngrad baǵytyndaǵy urysqa attanady. 19 jastaǵy K.Ospanov atamyz búginde jaýyngerlerdiń Otan úshin bastaryn ólimge tikken sátterin kózine jas almaı aıta almaıdy. Otan degen ystyq sezimniń jaýyn­­gerlerge kúsh bergenin de umytpaı­dy. О́mirdiń nebir qıyn ótkelin kór­genin onyń áńgime­lerinen aıqyn uǵamyz. – Stalıngrad qalasyndaǵy jaýmen shaıqastyń shegine jetken tusy. Qynadaı qyrylǵan adam. Ony kórgende úreıiń ushady, deıdi maıdanger ata. Keıinnen áskerı mindetin Belo­rýs­sııa maıdany arqyly Lıtva, Latvııa, Polshany azat etý baǵy­tyn­da jalǵastyrǵan maıdan­ger Jeńis­ti Maındaǵy Frankfýrd qalasynda qarsy alǵanyn aıtady. 1946 jyly maýsym aıyn­da elge oralady. – Men óz ómirime rızamyn. Jeńistiń 65 jyldyq toıyn kórýge jazǵan Allaǵa myń da bir rahmet! Talaı bozdaqtardyń qany tógilgen sum soǵystyń zardaby múmkin zaman uzaı umytylar, biraq sol bozdaqtardyń erligi eshqashanda umytylýǵa tıisti emes, – deıdi kóńili bosaǵan Kárim aqsaqal. Mektep dırektory Baqyt Isataevanyń bastamasymen jas urpaqtarymyzǵa patrıot­tyq tár­bıe berý maqsatynda Uly Otan soǵysyna qatysqan ar­dagerlermen kezdesýler úne­mi ótkizip turady. Sondaı kez­desý­diń biri jaqynda Kárim Os­panovpen ótti. Maıdanger qart oqýshylarǵa soǵys jyl­darynan estelikter aıtyp ber­di. Erlik eshqashan umtylmaýy tıis. Kárimjan QUDAKELDI, áskerı jetekshi. Aqmola oblysy, Ereımentaý aýdany, Pavlov aýyly.