Osy jyldyń 26 maýsymynda koronavırýstyq ınfeksııa aýrýy boıynsha epıdemııalyq jaǵdaıdy baǵalaý matrısasyna sáıkes 4 óńir qyzyl aımaqqa kirdi. Olar Atyraý, Qaraǵandy, Batys Qazaqstan oblystary men Almaty qalasy.
Almaty qalasy boıynsha sońǵy 5 táýlik ishinde 110 jaǵdaıdan táýligine 217 jaǵdaıǵa deıin ósti.
Sońǵy eki aptada betperde men qashyqtyq rejımderdiń saqtalmaýy, halyqtyń vaksınaǵa qarsylyǵy saldarynan R sanynyń (juqtyrý kórsetkishi) 0,7-den 1,197-ge deıin ósýi baıqaldy. Osy jaǵdaıǵa baılanysty, Almaty qalasynyń Bas memlekettik dárigeriniń shekteý is-sharalaryn kúsheıtý týraly qaýlysy daıyndaldy.
COVID-19 aýrýynyń joǵarylaýy, jańa delta shtammynyń paıda bolýy, ınfeksııanyń joǵary deńgeıimen ári tez taralýymen baılanysty.
20 maýsymnan bastap zertteýge jetkizilgen 133 synamanyń 125-si anyqtaldy. Mysaly, 77 synamada (62%) - brıtandyq shtamm, 45-te (36%) úndi shtammy, bul rette 44 jaǵdaıda sońǵy úsh táýlik ishinde, 2-ýinde ońtústik afrıkalyq, 1-ýinde nıý-ıorktik shtamm anyqtaldy.
Osyǵan baılanysty, qala turǵyndaryna betperde rejımin, áleýmettik qashyqtyqty qatań saqtaý, halyq kóp jınalatyn oryndar men buqaralyq is-sharalarǵa barýdan bas tartý, sondaı-aq COVID-19-ǵa qarsy vaksınadan ótý qajettiligi taǵy da eskertiledi.
