– Men bes jylǵa jýyq Máskeýde jumys istep, 2013 jyly Qazaqstanda Ortalyq Azııadaǵy eń iri teatrlardyń biri ashylady degendi estip, baǵymdy synaýǵa osynda keldim. Túrli eldiń ártisteri qatysqan qatań konkýrstan ótip, «Astana Opera» trýppasyna qabyldandym» deı kelip, Japonııaǵa oralý týraly oıyn da aıtyp ótti.
− Balet ártisiniń sahnadaǵy ǵumyry qysqa, meniń jasym qazir 36-da, kásibı mansabymdy aıaqtaý sáti keldi. Sondyqtan Tokıoǵa, saǵyndyrǵan otbasyma oralamyn dep sheshtim. Endi qyzmettik salamdy aýystyrýdy josparlap otyrmyn, alaıda balet óneri máńgi menimen birge qalady, onymen ózim úshin ǵana aınalysamyn. «Astana Operada» júrgende sahnada jeke partııalardy, «tórttikterdi», «ekilikterdi» jasadym, teatrdyń repertýaryndaǵy túgel derlik qoıylymdarda bıledim. «Shopenıana» romantıkalyq baletindegi Prelıýd aıryqsha esimde qaldy, ol − óte kúrdeli nómir. Sondaı-aq «Jızel», «Don Kıhot» baletterinde oınadym. Osyndaı múmkindik syılaǵan balet trýppasynyń kórkemdik jetekshisi, Reseıdiń halyq ártisi Altynaı Asylmuratovaǵa alǵysym sheksiz. Ol kisiniń qoldaýyn únemi sezindim, − deıdi ol.
Sonymen qatar Marıko Kıtamýra Qazaqstanda bolǵan jyldary, ulttyq dástúrli taǵamdardy unatyp qalǵandyǵyn sonyń ishinde óte dámdi pisken et pen qazyny jaqsy kóretindigin aıtady.
«Nur-Sultan qalasynda biraz ýaqyt turǵandyqtan ba, elordanyń eshkimge uqsamaıtyn ásem kelbeti meni únemi súısindirdi. Demalys kúnderi dostarymyzben saıabaqtarda jıi qydyrdyq, munda bári de janǵa jaıly, jaqsy oılastyrylǵan. Bir jaǵynan, qazaqtyń bolmysyna sińisip ketkendikten be, osyndaı meıirimdi elmen qoshtasý kóńilimdi muńaıtady.
Teatr ashylǵan kúnnen bastap, aýqymdy is tyndyrdy. Osynda esimderi álemge tanymal qoıýshy horeograftarmen jumys istedim.
Basqa trýppalarda men daıyn repertýardy bılesem, al munda balet óneriniń qyr-syryna tereń boılaýǵa múmkindik boldy. Shyn máninde, «Astana Opera» teatry − qazaq mádenıetiniń betke ustaryna aınaldy, soǵan úlesimdi qosqanyma ózimdi baqytty sezinemin. Aldaǵy tańda teatrǵa kórermen retinde oralý josparymda bar, al eger trýppa gastroldik saparmen Japonııaǵa kelse mindetti túrde syılyqtarymmen baramyn» deıdi balerına.
Sondaı-aq «Astana Opera» teatrynyń basshylyǵy men balet trýppasynyń kórkemdik jetekshisi Altynaı Asylmuratova balet ártisi Marıko Kıtamýraǵa sahnada somdaǵan tamasha beıneleri úshin shyǵarmashylyq tabys tilep, alǵysyn bildirdi.
