Biri bilse, biri bilmes, Dúráli Dúısebaı sport jýrnalıstıkasyna kelgenge deıin, sporty damyǵan S.Breýsov atyndaǵy mektepti 1971 jyly úzdik támamdap, keıinnen QazMUÝ-dyń jýrnalıstıka fakýltetine oqýǵa túsedi. Jýrnalıstıkaǵa deıin sporttyń ishki «kýhnıasyn» bir kisideı meńgergen D.Dúısebaı keıinnen sport jýrnalıstıkasyna den qoıdy. 1981 jyly oqýyn bitire salyp, ataqty «Lenınshil jas» gazetine jumysqa ornalasyp, Seıdahmet Berdiqulovtaı bilgir bas redaktordyń qamqorlyǵyn kórdi. Onda on alty jyl taban aýdarmaı jumys istep, 1996 jyly Memlekettik tergeý komıtetiniń jańadan ashylǵan «Qylmys pen jaza» – «Prestýplenıe ı nakazanıe» gazetine bas redaktor boldy. Keıinnen áskerı qyzmette bolyp, zeınetke shyqqan soń «Halyq sózi», «Sport» – «Sport» gazetterinde qyzmet etti. О́miriniń sońǵy jyldarynda L.N.Gýmılev atyndaǵy Eýrazııa ulttyq ýnıversıtetinde oqytýshy bolyp, shákirt tárbıeleýmen aınalysty.
Sońynan ergen shákirtterine, sport jýrnalıstıkasyndaǵy ózinen keıingi ini-qaryndastaryna jas dep qaramaı, olarmen únemi sanasyp, aqyldasyp otyratyn. Shákirtteriniń qateligin eshqashan betine basyp, kóp aldynda alalamaıtyn. Arnaıy sporttyq is-sharalarda, baspasóz jıyndarynda kezdese qalǵanda ǵana janashyrlyqpen aǵalyq aqylyn aıtyp, qoldaý bildiretin. Tek aqylyn aıtyp qana qoımaı, «Bul týraly óziń qalaı oılaısyń», dep ózgeniń oıymen de sanasýdy ar kórmeıtin.
Ańqyldaǵan, aqkóńil Dúr-aǵamyz bárine birdeı ákedeı qamqor bolyp, «Aınalaıyn!» dep-aq aınalasyna shýaq shashyp júretin osyndaı jan edi...
