«Qazaqstandyqtardy Amerıkaǵa jiberý – meniń de kózdep otyrǵan maqsatym jáne qazaqstandyqtar AQSh-qa baryp, meniń elimdi, memleketimdi tamashalap, bizdiń qoǵam qalaısha jumys istep jatqanyn kórýi óte mańyzdy. Biz árıne kelisimshartqa qol qoıýdy asyǵa kútýdemiz. Muny iske asyrý úshin uzaq jyldar boıy qansha jumys atqaryldy. Talqylaý, ımmıgrasııalyq rejımdi qarastyrý jáne amerıkalyqtar Qazaqstanda jumys isteı alatyny týraly múmkindikter sekildi birqatar shara iske asyryldy. Sondaı-aq tehnıkalyq máseleler de bar. Biz eshqandaı kedergiler bolmaýy úshin jumys istep jatyrmyz», dedi elshi jýrnalıstermen onlaın-kezdesýde.
Aıta keteıik, QR Parlamentiniń Májilisi Qazaqstan men AQSh arasynda áýetasymalyna ruqsat beretin zań jobasyn qarastyryp jatyr.
«Qazaqstan Respýblıkasynyń Úkimeti men Amerıka Qurama Shtattarynyń Úkimeti arasyndaǵy áýe qatynasy týraly kelisimdi ratıfıkasııalaý týraly» zań jobasy «Taraptar tasymaldaýshylar sany, mejeli pýnktter men jıilikter boıynsha shekteýsiz ushýdy oryndaı alatyn ashyq aspan qaǵıdattaryn» kózdeıdi.
