О́ner • 29 Maýsym, 2021

Dáýlesker kúıshini eske aldy

95 ret kórsetildi

Bıyl Qazaqstannyń ha­lyq ártisi, Memlekettik syılyqtyń laýreaty Qar­shyǵa Ahmedııarovtyń týǵanyna 75 jyl toldy, soǵan oraı «Astana Opera» teatrynda dáýles­ker kúıshini eske alýǵa ar­nalǵan «Kúmbirle, asyl dombyra!» atty kesh ótti.

Mazmundy mádenı shara Qar­shyǵa aǵamyzdyń ómiri men shyǵarmashylyǵynan syr shert­ken beınefılmmen bas­taldy. Onda ulaǵatty ustaz­dyń shákirtterimen áńgimelesip otyrǵan áserli sáti men sahnadaǵy qara dombyrany kúmbirletken jarqyn beınesi kúıshini jaqsy biletin kórermenderdiń kóńilin tolqytyp, kózine jas alǵyzdy.
Kesh barysynda Aıtqalı Jaıymov, Ǵalym Ahmedııarov, Dına Hamzına, Azamat Jyl­tyrkózov, Rýslan Baımýrzın, Aıtjan Toqtaǵan, Jumabek Qa­dyrqulov, Batyrlan Ábe­nov, Edil Basyǵaraev, Do­sym Maqsutov, Daryn Qudaı­ber­genov jáne taǵy basqa óner­pazdar talantty tulǵanyń týyndylaryn kópshilikke tartý etti.
Kóne ǵasyrdan jalǵasyp kele jatqan uly kúıshilik óner­diń biregeı ókiline aınalǵan Qarshyǵa aǵamyz Qurmanǵazy atamyzdan bastap, biraz halyq kúıshileriniń shyǵarmalaryn no­taǵa túsirip, keıingi jas ur­paqqa jetkizýge mol úles qosty.
− Qarshyǵa Ahmedııarov – Ulttyq mýzykamyzdaǵy aty ańyz­ǵa aınalǵan adam. Ol ónerde kóptegen salany baǵyndyrsa da, ásirese oryndaýshylyǵyn erekshe aıtýǵa bolady. Sondaı-aq aǵamyzdyń qanshama kúıdi zerttep, zerdeleýi de bólek. Bir boıyna túrli kúıshilik mek­teptiń dástúrin ushtastyryp, sińire bilip, kóptegen dúldúl dom­­byrashylardy tár­bıe­lep shyǵardy. Men ózim konservatorııada oqyǵanda sol kisiden tálim aldym. Son­dyq­tan osy keshke dırıjer ári dom­byrashy retinde qatys­qa­nymdy mártebe kóremin, Qar­shyǵa aǵamyz – biz úshin shy­ǵar­mashylyqtaǵy baǵyt-baǵdar be­rýshi temirqazyǵymyz edi, − deıdi Rýslan Baımýrzın.

Sońǵy jańalyqtar

Dollar baǵamy qaıta ósti

Qarjy • Búgin, 16:12

«Almaty-2» vokzalynda órt shyqty

Oqıǵa • Búgin, 15:01

Uqsas jańalyqtar