«Ashyq» qosymshasy arqyly jumys isteıtin nysandarda 5 sáýir men 28 maýsym aralyǵynda 4039 adam úı karantınin buzǵany anyqtaldy, onyń ishinde 1888 naýqas jáne 2151 baılanysta bolǵan adam bar. Bul týraly Nur-Sultan qalasynyń Bas memlekettik sanıtarııalyq dárigeri Sarhat Beısenova málim etti.
Sarhat Beısenovanyń aıtýynsha, 11-28 maýsym aralyǵynda úı karantınin buzǵan 491 adam anyqtaldy (juqtyrǵandar, ıaǵnı «qyzyl» statýsy bar – 247 adam, al jaqyn baılanysta bolǵandar, «sary» statýsy bar – 244 adam).
«Departament tártip buzýshylardyń úı karantınindegi ýaqytyn anyqtaý jumysyn júrgizýdi bastady. Aýmaqtyq basqarmalar sanıtarlyq-epıdemııaǵa qarsy (profılaktıkalyq) is-sharalardy júrgizý týraly 23 qaýly tapsyrdy, sondaı-aq QR ÁQBtK 425-babynyń 1-bóligi boıynsha ákimshilik jaýapkershilikke tartý týraly 4 habarlama berdi», dep málimdedi Sarhat Beısenova.
Bas memlekettik sanıtarlyq dáriger quqyq buzýshylardyń basym bóligi nysandarda anyqtalǵanyn habarlady. Tıisinshe naýqastardyń eń kóp sany da sol oryndarda tirkeledi. Esil aýdanynda – 33%, Almaty aýdanynda – 30%, Saryarqa aýdanynda – 22% jáne Baıqońyr aýdanynda – 15%.
