Ońtústik-Shyǵys turǵyn alaptaryna, Agroqalashyq (2020 jyly qosylmaǵan bólik), Promyshlennyı aýdandaryna gaz taratý jelilerin salý jalǵasýda. Sondaı-aq, «QazTransGaz Aımaq» AQ Kúıgenjar, Mıchýrıno, Internasıonalnyı eldimekenderinde gazben jabdyqtaý jelileriniń qurylysy júrgizilýde. Bıyl taǵy 317 shaqyrym gaz taratý jelisin salynady, onyń 200 shaqyrymy birinshi jartyjyldyqta salynǵan..
«Gazdandyrý – Elbasynyń aýqymdy jobasy. Bul joba ekologııany edáýir jaqsartýǵa múmkindik beredi, óıtkeni jeke sektor turǵyndary úıin kómirmen jylytpaıdy, nátıjesinde qaýipsizdik artady, qala turǵyndarynyń ómir súrý jaǵdaıy jaqsarady jáne t.b. Mysaly, osy jyldyń maýsym aıynda Kóktal-1 turǵyn alaby gazǵa qosyldy, osylaısha taǵy 2600 úı kógildir otynmen qamtamasyz etildi. Biz syrtqy jelilerdi júrgizgennen keıin turǵyndar ony úıdiń ishine ótkizýi kerek. Jańa jylytý maýsymynda taǵy 7 turǵyn úı alaby gazǵa qosylýǵa múmkindik alady. Mysaly, ótken jyly 43 myń turǵyn gazǵa qosyldy. Bultyr 43 myń otbasy gazben qamtamasyz etilgen bolatyn. Gazdandyrý prosesi Memleket basshysynyń baqylaýynda», dep atap ótti Altaı Kólginov.
О́tken jylytý maýsymynda Jeleznodorojnyı, Kóktal-2 turǵyn alaptarynyń jáne Agroqalashyqtyń bir bóliginde turatyn turǵyndar gazǵa qosyldy. Sol kezde 345 km kvartalishilik jeli salyndy.
