«Aqshalaı utystyń júlde qory – 40 mıllıon teńge. Onyń 10 mıllıon teńgesi bas júldege beriledi. Búgin, 30 maýsymynan bastap 200 myń teńgelik 10 sertıfıkat ár on kún saıyn 30 qyrkúıekke deıin vaksına alǵandar arasynda oınatylady. Tamyz aıynda 30 maýsym-31 shilde aralyǵynda vaksına alǵandar úshin 3 mıllıon teńge kóleminde 2 sertıfıkat utysqa shyǵarylady. Al, qyrkúıekte 1-31 tamyz aralyǵynda ekpe alǵandar úshin taǵy 3 mıllıon teńgeniń 2 sertıfıkaty oınatylady. Qazan aıynda bas júlde – 10 mıllıon teńgeni utý úshin 1 aqpan-30 qyrkúıek aralyǵynda vaksınanyń I nemese II komponentin saldyrǵan turǵyndar qatysady» deıdi «Azamattyq alıans» ZTB tóraǵasy Álibek Semǵalıev.
Onyń aıtýyna qaraǵanda, jeńimpazdar Atyraý oblystyq «Azamattyq Alıans» ZTB-nyń áleýmettik jelisindegi tikeleı efırinde anyqtalady. Oǵan aksııanyń ashyqtyǵyn qamtamasyz etý úshin úkimettik emes uıymdardyń ókilderi, blogerler men qoǵam belsendileri tartylmaq.
