Almatyda 1 shildedegi jaǵdaı boıynsha koronavırýs ınfeksııasynyń 74 306 jaǵdaıy tirkeldi, onyń 57 841-i sımptomdy jáne 16 465-i sımptomsyz, anyqtalmaǵan pnevmonııa - 1 993
Infeksııalyq stasıonarlarda 703 adam emdelip jatyr, onyń 53-i balalar. Jalpy naýqastardyń ishindegi 16 pasıenttiń jaǵdaıy óte aýyr, 153-i aýyr, 534 - ortasha aýyrlyq dárejede. Reanımasııa jáne ıntensıvti terapııa bólimderinde 54 naýqas jatyr. О́JJ apparatynda - 11, ınvazıvti emes О́JJ apparatynda - 23, High flow apparatynda – 18 adam jatyr.
Búginde AMSK men Telemedısına ortalyǵynyń mobıldi toptary úıdegi 1507 naýqasty baqylaýda, olardyń 213-i sımptomsyz, 1271-i jeńil, 23-i ortasha aýyrlyq dárejede. Pasıentterdiń jalpy sanynan 205 pasıentter ınfeksııalyq stasıonarlardan shyǵaryldy, qazir olar oqshaýlanýda jáne baqylaýda.
Búginde KVI-diń 1295 belsendi oshaqtary bar. Olardyń basym kópshiligi Áýezov aýdanynda, mundaǵy 5255 oshaqtyń 252-si belsendi. Almaly aýdanyndaǵy 5887 oshaqtyń 238-i belsendi. Alataýda - 4047 oshaqtyń ishinen – 191 belsendi, Bostandyqta 5444 oshaqtyń - 153 belsendi. Medeýde 4919 oshaqtyń - 144 belsendi. Dert tirkelgen oryndar - úıler, páterler, keńseler jáne t.b. belsendi oshaq sanalady. Olar 14 kún boıy baqylaýǵa alynady.
Sońǵy 7 kúnde 20 men 39 jas aralyǵynda KVI-di 394 adam (37,6%) juqtyrǵan, 40-59 jas aralyǵyndaǵylarda 243 jaǵdaı (23,2%), 60 jas jáne odan joǵarydaǵylarda 211 jaǵdaı (20,1%). 14 jasqa deıin - 131 jaǵdaı (14,6%), 15-19 jasta - 46 (4,4%) jáne 1 jasqa deıin - 22 jaǵdaı (2,1%) tirkelgen. Osylaısha, dárigerler men sanıtarlyq dárigerler qoǵamnyń eń belsendi sanatynyń ınfeksııany tez juqtyratynyn aıtty.
Sońǵy aptadaǵy málimetter boıynsha ınfeksııa qoǵamdyq oryndarda (54,2%), ıaǵnı kafeler, meıramhanalar, túngi klýbtar jáne basqa da jappaı jınalý oryndarynda tez taralýda. KVI dertine shaldyqqanmen baılanysta bolǵandar da bar, ınfeksııanyń 24,4%-y otbasynda juqqan.
Sondyqtan Almatydaǵy KVI-diń taralýynyń aldyn alý jónindegi qalalyq shtab epıdemıologııalyq jaǵdaıdyń ýshyǵyp kele jatqanyn eskere otyryp, almatylyqtar men qala qonaqtaryn merekelik demalys kúnderi qarsańynda qoǵamdyq oryndarǵa barýdan bas tartýǵa shaqyrady. Sonymen qatar sanıtarlyq qaýipsizdik sharalaryn, onyń ishinde betperde taǵý, áleýmettik qashyqtyqty saqtaý qajet. Jalpy, ınfekksııadan qorǵaýdyń jalǵyz senimdi ári tıimdi joly – vaksına saldyrý.
Búginde Almatyda 461 545 adamǵa vaksına egildi. О́tken táýlikte 10340 adamǵa ekpe salyndy. Vaksınalanǵandardyń jalpy sanynan 60 jastan asqandar - 78257 adam.
Qalada medısınalyq uıymdarda, mektepterde, mádenı-sporttyq mekemelerde, bazarlarda jáne SOSO-da 208 ekpe pýnkti bar. 1256 adamnan turatyn 307 brıgada vaksına salýǵa jumyldyrylǵan.
Almatyda 28 PTR zerthanasy bar, olardyń jalpy qýattylyǵy táýligine 15 770 synama jasaý. Bolashaqta olardyń qýattylyǵy táýligine 27 242 synamaǵa artatyn bolady. Budan ózge, táýligine 3248 synama jasaıtyn ótkizýge qabiletti IFS zerthanasy bar.
