«Polısııa departamentiniń krımınaldy polısııa basqarmasyna 23 maýsymda Jylyoı aýdanynyń ortalyǵy – Qulsary qalasynda 31 jastaǵy turǵynnyń bekire tuqymdas balyqtardy úıinde zańsyz saqtap, satyp júrgeni týraly aqparat tústi. Polıseıler jedel is-shara ótkizip, turǵynnyń mekenjaıyna tintý júrgizildi. Nátıjesinde kúdiktiniń úıiniń aýlasynda ornalasqan saraıdaǵy tońazytqyshtan jalpy salmaǵy 576 kelini quraǵan 169 dana bekire tuqymdas balyq tabyldy», deıdi oblystyq polısııa departamentiniń bastyǵy, polısııa polkovnıgi Qamza Úmbetqalıev.
Qazir Jylyoı aýdandyq polısııa bólimi kúdiktige qatysty QR Qylmystyq Kodeksiniń 339-babynyń 1-bóligimen sotqa deıingi tergeýdi júrgizip jatyr.
