Qazaqstan • 01 Shilde, 2021

Nur Otan-da biryńǵaı satyp alý terezesin engizý máselesi qaraldy

17 ret kórsetildi

Otandyq ónimniń úlesin ulǵaıta otyryp, memlekettik jáne kvazımemlekettik satyp alý júıesin jetildirý «Nur Otan» partııasy janyndaǵy Ekonomıkany damytý jáne kásipkerlikti qoldaý jónindegi respýblıkalyq qoǵamdyq keńestiń otyrysynda talqylandy, dep habarlaıdy Egemen.kz.

Qarjy vıse-mınıstri Dáýren Keńbeıildiń aıtýynsha, búginde memlekettik satyp alýlardyń 100%-y elektrondyq formatqa kóshirilip, ónim jetkizýshilerge qarjylyq turaqtylyq túrindegi biliktilik talaptary arttyryldy.

«Bul tıisti salyqtyq júktemesi bar jáne materıaldyq jáne eńbek resýrstary jetkilikti jaqsy bedelge ıe kompanııalardyń satyp alýǵa qatysýyna jaǵdaı jasady. Sonymen qatar, áleýetti jetkizýshiler kóleńkeden shyǵýǵa yntalandyrylyp, somasy 28 mlrd teńgeden asatyn salyq erikti túrde tólendi», dedi Dáýren Keńbeıil.

Ol sondaı-aq sońǵy 5 jylda bir kózden memlekettik satyp alý úlesi 92%-dan 49%-ǵa deıin 2 esege derlik qysqarǵanyn aıtty.

Alaıda, Keńes tóraǵasy, Parlament Májilisiniń depýtaty Amanjan Jamalovtyń pikirinshe, bul faktilerdi jetistik dep aıtý qıyn.

«Qalaı bolǵanda da memlekettik satyp alýlardyń 51%-y bir kózden alý tásilimen júrgiziledi. Al bul – úlken soma. 2,5 jyl ishinde kameralyq baqylaý nátıjesinde 78 myń satyp alý boıynsha zań buzýshylyqtyń joly kesildi. Bul degenińiz jalpy sommasy 2,4 trln teńgeni quraıtyn óte kóp aqsha. Munyń bári zańnyń nasharlyǵynan emes, ony júıeli túrde buzatyndyǵyn bildiredi. Satyp alýǵa qatysýshylardyń jaýapkershiligin kúsheıtý qajet shyǵar», dedi Amanjan Jamalov.

Keńes músheleri «Nur Otan»-nyń saılaýaldy baǵdarlamasyn oryndaý boıynsha Jol kartasynda kózdelgen satyp alýdyń biryńǵaı terezesin engizý máselesin jeke talqylady.

Jol kartasy aıasynda bıyl memlekettik organdar, memkompanııalar jáne jer qoınaýyn paıdalanýshylar tarapynan otandyq óndirýshilerdiń somasy 21 mlrd teńgeni quraıtyn ónimderin kepildi satyp alýdy qamtamasyz etý mindeti tur.

Jıyn barysynda Indýstrııa jáne ınfraqurylymdyq damý mınıstrliginiń ókili bul kórsetkish merziminen buryn oryndalǵanyn jetkizdi. Sebebi, birinshi jartyjyldyqta tapsyrys berýshiler men jetkizýshiler arasynda 23,8 mlrd teńge somasyna 25 uzaq merzimdi shart jasalǵan.

Otyrys qorytyndysy boıynsha Keńes músheleri Qarjy, Ulttyq ekonomıka, Indýstrııa jáne ınfraqurylymdyq damý mınıstrlikterine biryńǵaı satyp alý terezesi júıesin odan ári jetildirý jónindegi jumysty jedeldetýdi usyndy.

Sońǵy jańalyqtar

Elimizde kıik sany kóbeıip keledi

Qazaqstan • Búgin, 14:41

ShQO-da elikti atqan brakoner sottaldy

Qoǵam • Búgin, 11:20

Shýchınskide bazar órtendi

Oqıǵa • Búgin, 09:27

Ań patshasy kóbeıdi

Ekologııa • Búgin, 07:42

Uqsas jańalyqtar