Qoǵam • 01 Shilde, 2021

Endi júrgizýshiler jyldamdyq shekteýlerine shaǵymdana alady

2327 ret kórsetildi

1 shildeden bastap Qazaqstanda jańa Ákimshilik rásimdik-prosestik kodeks (AО́K) kúshine enedi. Ádilet vıse-mınıstri Natalıa Pan jańa kodeks qazaqstandyqtardy qalaı qorǵaıtynyn túsindirdi, dep habarlaıdy Egemen.kz.

«Ákimdik jekelegen ýchaskelerde, kóbinese qala sheginde jyldamdyqty shekteıdi, bul rette NQA-da qaladaǵy jyldamdyq rejımi jónindegi aqparat jazylmaǵan. Proporsıonaldylyq qaǵıdaty sotqa jyldamdyqty shekteý máselesin sheshý úshin qanshalyqty jaramdy, qajetti jáne proporsıonaldy ekenin tekserýge múmkindik beredi», dep habarlady ol OKQ brıfınginde.

Natalıa Pannyń aıtýynsha, bılik basqarýshylyq sheshimder qabyldaǵan kezde azamattarmen keri baılanysty qamtamasyz etetin rásimdik kepildikter bekitetin bolady. Azamattyń sońǵy sheshim qabyldanǵanǵa deıin tyńdalý kepildigi buǵan mysal bola alady.

«Eldi mekenderdegi qozǵalys jyldamdyǵy ákimdiktermen emes, «Jol qozǵalysy týraly» zańmen jáne JQE-men shektelgen. Ákimdikter bolsa jyldamdyq shektelýi, al bir jerde ruqsat etilýi tıis qandaı da bir kóshelerdiń ýchaskelerin ǵana aıqyndaıdy. Iаǵnı, olar jyldamdyqty emes, osy jyldamdyq shekteýleri qoldanylatyn ýchaskelerdi anyqtaıdy», dep túsindirdi Joǵarǵy sottyń ákimshilik ister jónindegi sot alqasynyń tóraǵasy Qanat Mýsın.

Sondaı-aq ol bıliktiń jol belgisin nemese jyldamdyq rejımin ornatý týraly sheshimderi azamat quqyqtaryn shekteıdi dep sanalsa, kez kelgen azamat buǵan shaǵymdana alatynyn da atap ótti.

«Bul jaǵdaıda mamandandyrylǵan aýdanaralyq ákimshilik sotqa nemese turǵylyqty jeri boıynsha mamandandyrylǵan ákimshilik sotqa júginý qajet. Eger jergilikti jerde ákimshilik sot bolmasa, onda ol turǵylyqty jeri boıynsha jalpy ıýrısdıksııa sotyna júgine alady. Bul sharttardyń barlyǵy Ákimshilik rásimdik-prosestik Kodekstiń 102 jáne 106 - baptarynda bar», dep naqtylady Mýsın.

Sońǵy jańalyqtar

Shymkentte taǵy bir aýdan qurylady

Qoǵam • Búgin, 16:58

Almatyda qant qymbattap barady

Qoǵam • Búgin, 16:45

Dollar baǵamy ósti

Qarjy • Búgin, 16:12

Uqsas jańalyqtar