Otyrysta sóz sóılegen Májilis Tóraǵasy Nurlan Nyǵmatýlın atap ótkendeı, Qazaqstan jahandyq jáne aımaqtyq deńgeıdegi ózekti máselelerdi sheshý úshin halyqaralyq ózara is-qımyldy odan ári tereńdetýge jáne nyǵaıtýǵa nıetti. Sebebi qazirgi ýaqytta aımaqtyq qaýipsizdik taqyrybynyń ózektiligi burynǵydan da arta tústi.
Májilis Spıkeri UQShU uıymynyń bitimgershilik áleýetin damytýdyń mańyzdylyǵyna basa nazar aýdardy. Osy rette, Qazaqstan Prezıdenti Qasym-Jomart Toqaevtyń bitimgershilik máseleleri boıynsha UQShU Bas hatshysynyń arnaıy ókili ınstıtýtyn qurý týraly bastamasyn júzege asyrý Uıymnyń BUU tıisti qurylymdarymen ózara is-qımyl múmkindigin keńeıtetindigin alǵa tarta kele, Nurlan Nyǵmatýlın bul ınstıtýt osy saladaǵy ózekti máselelerdi jańa sapalyq deńgeıde sheshýge, sonymen birge BUU bitimgershilik áleýetin arttyrýǵa jol ashatynyna senim bildirdi.
Otyrysta sondaı-aq Tájikstannyń 2021 jyly UQShU tóraǵalyǵy, UQShU aıasynda qol jetkizilgen UQShU áriptestik mártebesine, Qazaqstanda, Armenııada, Qyrǵyzstanda ótken saılaýlarda UQShÚ PA atynan qatysqan halyqaralyq baıqaýshylar toby jumystarynyń qorytyndysyna qatysty halyqaralyq kelisimder tóńireginde áńgime órbidi.
UQShU PA Keńesi Assambleıa qyzmetin uıymdastyrady, onyń quramynda Qazaqstan, Armenııa, Belarýs, Qyrǵyzstan, Reseı jáne Tájikstan elderi Parlamentteriniń basshylary bar.
