Osyǵan oraı Prezıdenttiń baspasóz hatshysy Berik Ýálı Fasebook-tegi paraqshasynda: «Búgin Prezıdent Qasym-Jomart Toqaev qol qoıǵan Qazaqstan Respýblıkasynyń jańa Ákimshilik rásimdik-prosestik kodeksi kúshine endi.
Kodeks memleket pen qoǵam arasyndaǵy qatynastardyń paradıgmasyn túbegeıli ózgertedi. Azamattardyń quqyǵy men bıznesti qorǵaýdyń jańa mehanızmderi engiziledi. Ákimshilik organdardyń ústinen jazylatyn talap-aryzdar endi «ákimshilik organdardyń kináli-kináli emestigin aıqyndaý» qaǵıdaty negizinde qarastyrylady. Bul rette, aryz berýshi emes, ákimshilik organ óz sheshiminiń durystyǵyn sot aldynda dáleldeýge tıis. Syrǵytpa jaýaptar men áýre-sarsańǵa salý áreketteri úshin ákimshilik organdar ǵana emes, sheshim qabyldaǵan tulǵalar da jaýap beretin bolady.
Bul qujat «Halyq únine qulaq asatyn memleket» tujyrymdamasyn júzege asyrýdyń mańyzdy quralyna aınalady», dep jazdy.
