Qazaqstan • 02 Shilde, 2021

Qazaqstandyqtar Quran faıldaryn jerserikke ornalastyrdy

73 ret kórsetildi

Qazaqstanda tirkelgen Eurasian Space Ventures (ESV) jeke kompanııasy bıznestiń qatysýymen álemdik ǵarysh jobalarynyń ortalyǵy bolýdy josparlap otyr. Bul keýdemsoqtyq emes. Jaqynda ǵana ESV birden eki ǵaryshtyq bastamasyn jarııa etti, olar sıfrlyq qaýipsizdikke ǵana emes, sonymen birge bilimge qol jetkizý sheńberin keńeıte alady. Eki joba da áıgili kásipker jáne jańalyqqa qushtar Ilon Mask SpaceX Falcon 9 zymyranynyń bortynda júzege asyryldy.

Ǵaryshtaǵy krıptobırja

Biteeu platformasy (ESV baqylaýyndaǵy jáne basqarýyndaǵy) krıptovalıýta almasý boıynsha álemdegi alǵashqy ǵarysh bırjasy bolmaq. Biteeu birlesken baǵdarlama boıynsha Falcon 9 bortynda sıfrlyq qaýipsizdik ınfraqurylymyn oıdaǵydaı iske qosty. SpaceChain jasaǵan ǵaryshtyq toraptyq modýl zymyranmen tasymaldanatyn YAM-2 jerserigine ornatyldy. Jerserikterdi basqarý operatory loft Orbital startapy bolyp tabylady.

Aldaǵy kúzde iske qosylǵannan keıin ǵarysh toraby Bitcoin tranzaksııalaryn ǵaryshtan mýltıqoltańba kómegimen óńdeıtin bolady. Bul tehnologııa bir qoltańbaly standartty ádisterge qaraǵanda tranzaksııany qaýipsiz etetin krıptoámııan mekenjaıynan tranzaksııany avtorızasııalaýǵa arnalǵan bireýden artyq jabyq kiltti talap etedi.

Sıfrlyq valıýtalardyń tanymaldylyǵy artqan saıyn olardy paıdalaný qaýipsizdiginiń máselesi ózekti bolyp keledi. "Innovasııalyq ortalyqtandyrylmaǵan ǵaryshtyq tehnologııanyń kómegimen biz qaýipsizdiktegi osaldyqty joıyp, ınstıtýsıonaldyq jáne bólshek treıderlerdiń óz qarajattaryn eń úzdik saýda jasaý tájirıbesimen basqarýǵa degen senimin únemi nyǵaıta alamyz" -dep túsindirdi Biteeu negizin teń qalaýshy jáne dırektorlar keńesiniń tóraǵasy Shýhrat Ibragımov. 

Apparattyq jáne baǵdarlamalyq jasaqtama synaqtary 2021 jyldyń qarasha aıynda aıaqtalady dep kútilýde. Osydan keıin Biteeu paıdalanýshylary, onyń ishindegi TMD elderinde, ǵaryshta mýltıqoltańbasy bar ámııan arqyly Bitcoin tranzaksııalaryn avtorızasııalaı alady. Bul derekter men operasııalardyń qupııalylyǵyn asa qaýipsiz túrde qamtamasyz etýge múmkindik beredi. Mundaı fýnksııany qosý jáne Biteeu-diń Bittrex arqyly birneshe mıllıondyq ótimdilikti bólisýi iri ınstıtýsıonaldy ınvestorlardy tartýǵa jáne tranzaksııa kóleminiń aıtarlyqtaı ósetindigine ıek artýǵa múmkindik beredi.

Búgingi tańda krıptobırjanyń Eýropalyq Odaq pen Avstralııada lısenzııalary bar, biraq Biteeu álemdik krıptoqaýymdastyqqa eń qaýipsiz, ınnovasııalyq jáne senimdi saýda platformasyn usyný múmkindigin izdep jatqanyn jasyrmaıdy. Kompanııa negizin qalaýshylardyń biri jáne bas dırektory Talǵat Dosanovtyń aıtýynsha, bul joba paıdalanýshylar úshin derekterdi qorǵaýdyń joǵary deńgeıin qamtamasyz etý jáne krıptovalıýta naryǵyndaǵy qaýipsizdik standarttaryn jetildirý ıdeıasyna negizdelgen.

Spacebiteeu2021 promokodyn paıdalanyp Biteeu jobasyna tirkeletin paıdalanýshylar ózderiniń aty men krıptovalıýta ámııandary ǵarysh jobasyna qosylǵanyn jáne orbıtadaǵy Biteeu ǵarysh torabyna qaýipsiz jolmen jiberilgenin rastaıtyn serııalyq nómiri bar sertıfıkatty alady.

Qaıyrymdy Jahan

Eurasian Space Ventures ekinshi ǵaryshtyq jobasy Divine (aǵylshyn tilinen aýdarǵanda "Jaratýshy") qoǵamdyq jobasymen baılanysty. Ony qazaqstandyq kásipker Shýhrat Ibragımov negizin qalaǵan I am PART OF jahandyq qaıyrymdylyq qory iske qosqan bolatyn.

Divine - Qasıetti Qurannyń ilimderin, "Sahıh al-Býharı" shynaıy hadıster jınaǵyn, namaz oqýdy, sondaı-aq Duǵalar jınaǵyn jáne basqa da tıisti materıaldardy tolyq túsinýdi qamtamasyz etetin bilim berý platformasy. Sonymen qatar bul -Qasıetti Qurandy tikeleı sizdiń ústińizden ushyp júrgen jerserikten taratý úshin ǵaryshtyq tehnologııany paıdalanatyn álemdegi jalǵyz joba.

Divine úshin aýdıo jáne mýltımedıalyq faıldar SpaceX Falcon 9 zymyranynyń bortynan ǵaryshqa jol tartqan YAM-2 jerserigine júkteldi. 

"Bizdiń maqsatymyz - Quran jáne din negizderi týraly kóbirek bilgisi keletin búkil álemdegi adamdarǵa Islam týraly senimdi jáne qoljetimdi aqparat usyný", - deıdi Shýhrat Ibragımov.

Orbıtada oıdaǵydaı iske qosylǵan jaǵdaıda, osy jyldyń qarasha aıynda Quran faıldary ǵaryshtan Divine resmı saıty jáne Divine Live qosymshasy sııaqty birneshe platformalarǵa taratylatyn bolady. Aıtpaqshy, olardyń kómegimen paıdalanýshylar jerseriktiń ornalasqan jerin naqty ýaqyt rejıminde kóre alady.  

Sondaı-aq mýltımedıalyq faıldardy búkil álem boıynsha ınternetke qoljetimdiligi shekteýli aýyldyq jerlerde ornalasqan arnaıy qurlyq stansııalarynda ornatylǵan qabyldaǵyshtarǵa taratý josparlanýda.

Paıdalanýshylar Qurannyń qasıetti mátinine, sondaı-aq tolyq aýdıo jáne mátindik sıpattamalarǵa jáne ilimniń ártúrli tilderdegi túsindirmelerine qol jetkize alady. ERG taý-ken metallýrgııa korporasııasy men Eýrazııalyq Banktiń Dırektorlar keńesine kiretin Shýhrat Ibragımov atalǵan qoǵamdyq jobany basqa dinderdi ustanatyn adamdar úshin de damytýǵa tyrysatyny týraly málimdedi.

Zamanaýı ǵaryshtyq tehnologııalar kómegimen biz búkil álem boıynsha adamdardy keńinen qamtý úshin qurlyq ınfraqurylymynyń shekteýlerine qarsy turamyz, biregeı jobalardy jasap qana qoımaı, álemdi izgilendiremiz.

Eurasian Space Ventures ǵaryshtyq jobalardy odan ári júzege asyrýdy josparlap otyr. ESV jáne SpaceChain eki jyl ishinde ǵaryshtyq tehnologııalar salasyndaǵy yntymaqtastyq pen birlesken jobalardy odan ári damytý úshin О́zara túsinistik týraly memorandýmǵa qol qoıýdy aıaqtalǵany belgili boldy.

 

Sońǵy jańalyqtar

Suıytylǵan gaz baǵasy óspeıdi

Qoǵam • Búgin, 18:21

Aldaǵy kúnderi aýa raıy qandaı bolady

Aýa raıy • Búgin, 18:00

Dollar arzandady

Qarjy • Búgin, 16:22

Shymkentte de LRT salynýy múmkin

Aımaqtar • Búgin, 12:50

Uqsas jańalyqtar