Endi zeınetaqy men járdemaqylardy, ataýly áleýmettik kómekti resimdeý, áleýmettik qyzmetter portalynyń jumysy, eńbek qatynastary jáne halyqty jumyspen qamtý máseleleri boıynsha qajetti aqparat alý úshin abonentter 5-qosymsha nómirin basa otyryp, 1414 biryńǵaı baılanys ortalyǵyna júgine alady.
«1414 tehnıkalyq platformasyna kóshý «joǵalyp ketetin» qońyraýlardyń úlesin azaıtýǵa múmkindik beredi. Sonymen qatar biz buryn 1411 jelisiniń jumysyna ketken shyǵyndardy da ońtaılandyramyz. Qazir biz kóp arnaly júıeni paıdalanyp otyrǵanymyzdyń arqasynda, tek aýdıo qońyraýlardy ǵana emes, mátindik habarlardy da qabyldaý múmkindigi artty. Qazaqstandyqtar @kenes1414bot telegramm botynyń «Zeınetaqymen qamsyzdandyrý» bóliminde operatorǵa áleýmettik-eńbek salasy máseleleri boıynsha habarlama jiberip, sol jerden jaýap ala alady. Al 1411 nómiri endi jumys istemeıdi», dedi «Azamattarǵa arnalǵan úkimet» basqarma tóraǵasynyń birinshi orynbasary Súıenish Ábdildın.
Áleýmettik-eńbek salasy máseleleri boıynsha 1414 biryńǵaı baılanys ortalyǵynan dúısenbiden jumaǵa deıin saǵat 9.00-den 18.30-ǵa deıin jáne senbi kúni saǵat 9.00-den 13.00-ge deıin keńes alýǵa bolady. Qońyraý shalý tegin.
