Jyldyń jamany joq. Jıyrma toǵyzǵa aıaq basatyn jylym – jylqy jyly da jaman bolmas dep oılaımyn. Osy jyldar ishinde qazaq kúresiniń dańqyn álemge tanytyp, bir ret álem chempıony, bir ret Azııa chempıony atandym. Elimizdegi «Túıe balýan» námimen ótken jarystardyń 18 márte jeńimpazy boldym. 2012 jyly Qazaqstan Prezıdentiniń júldesi sarapqa salynǵan «Qazaqstan barysy» týrnırinde top jaryp, zańǵar bıikten kórindim. О́tip bara jatqan jylan jylyn da ózim úshin jaman boldy dep aıta almaımyn. Jambyl oblysynyń ortalyǵyndaǵy jańadan ashylǵan «Taraz-Arena» sport saraıynda tuńǵysh ret ótken «Eýrazııa barysy» halyqaralyq týrnırinde Qazaqstan quramasymen birge jeńimpaz atandym. Sheshýshi sátte mońǵol alybymen bolǵan beldesýim de el esinde bolar, sirá.
Jyldyń jamany joq. Jıyrma toǵyzǵa aıaq basatyn jylym – jylqy jyly da jaman bolmas dep oılaımyn. Osy jyldar ishinde qazaq kúresiniń dańqyn álemge tanytyp, bir ret álem chempıony, bir ret Azııa chempıony atandym. Elimizdegi «Túıe balýan» námimen ótken jarystardyń 18 márte jeńimpazy boldym. 2012 jyly Qazaqstan Prezıdentiniń júldesi sarapqa salynǵan «Qazaqstan barysy» týrnırinde top jaryp, zańǵar bıikten kórindim. О́tip bara jatqan jylan jylyn da ózim úshin jaman boldy dep aıta almaımyn. Jambyl oblysynyń ortalyǵyndaǵy jańadan ashylǵan «Taraz-Arena» sport saraıynda tuńǵysh ret ótken «Eýrazııa barysy» halyqaralyq týrnırinde Qazaqstan quramasymen birge jeńimpaz atandym. Sheshýshi sátte mońǵol alybymen bolǵan beldesýim de el esinde bolar, sirá.
Qazaq halqy jylqy malyn erekshe baǵalaǵan. Ony «At – erdiń qanaty», «Jylqynyń súti – sheker, eti - bal» dep ardaq tutqan. Men de aýyldyń balasy bolǵandyqtan, jylqynyń adam qyzyǵatyn qasıetterin kórip, bilip óstim. Halqymyzda «At tuıaǵyn taı basar», «Alyp anadan týady, tulpar bıeden týady» degen qanatty sózder bar. Biz keshegi Qajymuqan, Balýan Sholaq, Jaqsylyq Úshkempirov, Shámil Serikov, Dáýlet Turlyhanov, Almas Musabekov syndy ataǵy alysqa taraǵan belgili balýandardyń izin basyp kelemiz.
Sondyqtan, «Tulpar bolar qulyndy múshesinen tanısyń» nemese «Qunan atqa jetkizer, at muratqa jetkizer» degendeı, Qazaq eliniń dáýleti men sáýleti jylqy jyly da asyp-tasa beredi dep oılaımyn. Ol úshin eń aldymen elde tynyshtyq, bereke men birlik saltanaty nyǵaıǵan ústine nyǵaıa berýi tıis. Qalyń elimiz – qazaǵymyz sonda ǵana naǵyz baqytqa qol jetkizedi. Biz sııaqty sportshylardyń da «ekinshi tynysy» ashylyp, talanty ushtala túsedi. Aınalamyzdaǵy elderge qarasań qara sháıdiń ózin tynyshtyqpen ishýdi ańsap otyrǵan halyqty kóresiń. Kóresiń de qabyrǵań qaıysady. Negizi, dana halqymyz «Bir kún urys bolǵan úıden, myń kún yrys ketedi» dep bekerge aıtpaǵan. Oǵan sonaý Sırııa, Egıpet, Aýǵanstan sııaqty taǵy basqa da bereke men birliginen aıyrylyp, bastary qosylmaı jatqan memleketterdiń muńǵa toly mysaly dálel. Qalalary qırandy men úıindige aınalsa, dalalary jarylǵan bombanyń shurq tesik shuńqyrlaryna aınalyp jatyr. «Qunan atqa jetkizer, at muratqa jetkizer» degen. Qazaq halqy da tulpardaı talantty uldary men qyzdary arqyly jyl saıyn muratyna jetip keledi.
Bapkerim Eldos Dalabaı ekeýmizdiń bos ýaqytymyz joq. Kúnde jattyǵý. Jarys bolatyn ýaqytqa bir aı qaldy ma, joq, áli bir jyl bar ma oǵan qaramaımyz, ıaǵnı kún saıyn ter tógý. Meniń Jańa jyldan kúterim tek qana jeńis. Ol jeńis meniń otbasyma ǵana emes, elge de bolsyn. El dep júrgen erge de bolsyn!
Beıbit YSTYBAEV,
«Qazaqstan barysy» jáne «Eýrazııa barysy»
týrnırleriniń jeńimpazy, qazaq kúresinen
álem jáne Azııa chempıony.
Jambyl oblysy.
