Áleýmettik zertteýlerdiń nátıjesinde, Nur-Sultan halqynyń 81%-i qaıyrymdylyq jasýady qoldaıtyny jáne muqtaj adamdarǵa kómek kórsetýge árdaıym ázir ekeni anyqtaldy. Bul elimizdegi eń joǵarǵy kórsetkish.
Sonymen qatar, elordalyqtardyń basym bóligi eldegi ınklıýzıvti bilim berý jaǵdaıyna kóńili tolatynyn aıtqan. Naqtyraq aıtsaq, turǵyndardyń 57%-i qazaqstandyq bilim berý júıesin erekshe qajettilikteri bar adamdar úshin qolaıly dep sanaıdy.
Jastar ortasyn zertteý barysynda elordalyq jastardyń basty tańdaýy volonterlik (55%) jáne salaýatty ómir salty (30%) ekeni belgili boldy. Osy oraıda, Nur-Sultan jastarynyń 56%-i sportpen turaqty túrde shuǵyldanatynyn aıta ketken jón.
Nur-Sultan turǵyndary shyǵarmashylyq damýǵa da erekshe kóńil bóledi. Máselen, sýret salý (14%), mýzykalyq aspaptarda oınaý (10%) jáne sándik-qoldanbaly ónermen (10%) aınalysatyndar kóp.
Elordalyqtardyń 91%-i ómirdiń eń mańyzdy qundylyǵy otbasy dep sanaıdy. 41%-i patrıotızmdi eline degen súıispenshilik, qurmet jáne maqtanysh sezimi eseptese, jastardyń 32%-i áskerde qyzmet etýge, Otanyn qorǵaýǵa daıyn ekenin jetkizgen.
Al 79%-i bolashaqqa «bári jaqsy bolady» degen úmit sezimimen qaraıdy.
