Elbasy elordanyń «jasyl beldeýin» tikushaqpen aralap, qala aınalasyndaǵy ormandy alqaptyń damý barysymen tanysty, jyldaǵy dástúr boıynsha tabıǵı ortaǵa qyrǵaýyl ushyrý sharasyna qatysty.
Qazaqstannyń Tuńǵysh Prezıdenti «jasyl beldeý» osy jyldary jaıly klımat qalyptastyrýǵa jáne qala ekologııasyn jaqsartýǵa aıtarlyqtaı áser etkenin atap ótti.
– Alǵash egilgen aǵashtar qazir 20 metrge jetip, qalyń ormanǵa aınaldy. О́simdikter men janýarlar dúnıesi baıyp jatyr. Osy ormannyń arqasynda jaıly klımat qalyptasyp, ekologııa jaqsaryp keledi. Men «jasyl beldeýdi» damytýǵa atsalysyp júrgen adamdarǵa rızashylyǵymdy bildiremin. Olardyń eńbegi joǵary marapatqa laıyq, – dedi Nursultan Nazarbaev.
Elbasy elordany kógaldandyrý jumysyna Túrkııa, Qytaı, Majarstan jáne basqa da elderden ǵalymdar men mamandar shaqyrylǵanyn aıtty. Sondaı-aq qala ishindegi saıabaq aımaqtaryn damytý jumysyna da toqtaldy.
– Osy jyldary atqarylǵan sharýa jurtshylyq tarapynan keńinen qoldaý tapty. Munda velosıped joldary salyndy, bos ýaqytta demalýǵa qajet dúnıeniń bári bar. Turǵyndar jıdek pen sańyraýqulaq teredi, – dedi Qazaqstannyń Tuńǵysh Prezıdenti.
Elbasy elordanyń «jasyl beldeýine» ulttyq saıabaq mártebesin berýdi, ókiletti organdarǵa qala mańyndaǵy jerlerge tekseris júrgizýdi usyndy. Nursultan Nazarbaev elordany damytý barysyn qaıta qarap, shahar aýmaǵyndaǵy bos jatqan jerlerde ishinara qurylys júrgizýge kóshý qajettigin aıtty.
Sondaı-aq Qazaqstannyń Tuńǵysh Prezıdenti qorshaǵan ortany aıalaýdyń jáne barshaǵa ortaq baılyqty keleshek urpaq úshin saqtaýdyń mańyzdy ekenin atap ótti.
– Tabıǵatty aıalap, tazalyq saqtaý qajet. Aǵashtardy órtten qorǵap, joıylyp ketýine jol bermeý kerek. Munyń bári ózimizdiń balalarymyz úshin, keler urpaqtyń ıgiligi úshin jasalyp jatyr. Olar osyndaı keremet syı qaldyrǵanymyz úshin bizdi maqtan tutatyn bolady. Týǵan jerge degen mahabbat – qazaqstandyq patrıotızmniń mańyzdy bóligi. Osy oraıda Prezıdent Qasym-Jomart Toqaevtyń 2025 jylǵa deıin Qazaqstanda eki mıllıard aǵash otyrǵyzý týraly bastamasyn qoldaımyn. Bul mańyzdy ári jaýapty is. Sol arqyly biz elimizdi kógaldandyramyz. Jasyl jelek ekologııany jaqsartady jáne halyqtyń densaýlyǵyn nyǵaıtýǵa qolaıly jaǵdaı týǵyzady,– dedi Elbasy.
