Aımaqtar • 07 Shilde, 2021

Nur Otan-da qalalyq ınfraqurylym máseleleri qaraldy

27 ret kórsetildi

«Nur Otan» partııasy janyndaǵy Jumyspen qamtýdy jáne halyqtyń áleýmettik osal toptaryn qoldaý jónindegi respýblıkalyq qoǵamdyq keńestiń otyrysynda áleýmettik qyzmetter kórsetý sapasyn jetildirý, kedergisiz qalalyq ınfraqurylym qurý jáne erekshe qajettilikteri bar azamattardy jumysqa ornalastyrý máseleleri qaraldy, dep habarlaıdy Egemen.kz.

Kezdesý barysynda elimizde qurylys kezeńinde nysandardyń qoljetimdiligin qamtamasyz etý bóliginde normatıvtik talaptardyń oryndalýyna qoǵamdyq baqylaý júıesin qurý jáne kedergisiz ortany qamtamasyz etý salasynda mamandar daıarlaý júıesin engizý qajettigi atap ótildi. Sondaı-aq keńes músheleriniń pikirinshe, múgedektigi bar adamdardyń memlekettik qoldaý sharalary týraly habardarlyǵyn arttyrý maqsatynda ortalyq jáne jergilikti atqarýshy organdar arasyndaǵy ózara is-qımyldy kúsheıtý qajet.

«Búginde ázirlenip jatqan Áleýmettik kodeks «qarjylandyrý qyzmet alýshyǵa ilesip júrýi tıis» qaǵıdasyna sáıkes bolýy kerek. Qaraǵandyda turatyn múgedektigi bar adamdar qoǵamdyq kólikti jergilikti bıýdjet qarajaty esebinen tegin paıdalanady. Alaıda ol elordaǵa kelgende, qoǵamdyq kólikte tegin júre almaıdy», dedi keńes múshesi, Qaraǵandy oblysy ákiminiń múgedektigi bar adamdar máseleleri jónindegi shtattan tys keńesshisi Nııaz Súnditalıev.

О́z kezeginde keńes múshesi, «Arman – ANK» qoǵamdyq birlestiginiń úılestirýshisi Gúlnar Omarova erekshe qajettilikteri bar azamattarǵa ekpe egý máselesine jeke toqtaldy. Onyń aıtýynsha, búginde úıge baryp ekpe egý tek tósek tartyp jatqandar úshin ǵana júrgiziledi. Sondaı-aq múgedektigi bar kóptegen adamdardyń habardarlyǵy tómen bolǵandyqtan, olar ekpe egýge bolmaıtyn jaǵdaılardyń tizimi, sondaı-aq qosalqy aýrýlary bolǵan jaǵdaıda ekpe alýǵa bolatyny ne bolmaıtyndyǵy jaıynda bilmeıdi.

Buǵan jaýap retinde Eńbek jáne halyqty áleýmettik qorǵaý vıse-mınıstri Erlan Áýkenov partııa keńesiniń ókilderin erekshe qajettilikteri bar adamdardy vaksınasııalaý prosesi Densaýlyq saqtaý mınıstrliginiń ókilderimen birge jergilikti jerlerde pysyqtalatynyna sendirdi.

«Bıyl múgedektigi bar adamdardyń ómir súrý sapasyn jaqsartýǵa baǵyttalǵan 5 zań qabyldaý josparlanǵan. Onyń ishinde áleýmettik kásipkerlik jáne ınklıýzıvti bilim berý týraly 2 zań qabyldandy. Azamattardyń jekelegen sanattaryn áleýmettik qorǵaý týraly zań Parlament Senatynyń qaraýynda. «Múgedekterdiń quqyqtary týraly fakýltatıvtik hattamany ratıfıkasııalaý» jáne «Múgedek adamdardyń ómir súrý sapasyn jaqsartý týraly» taǵy 2 zań jobasy úkimet qaraýynda», dep atap ótti vıse-mınıstr.

Kezdesýdi qorytyndylaı kele, Keńes tóraǵasy, Májilis depýtaty Elnur Beısenbaev elimizde barlyq óńirlerde «Nur Otan» partııasynyń janynan erekshe qajettilikteri bar adamdar úshin ınfraqurylym men qoǵamdyq kólik nysandarynyń qoljetimdiligine arnalǵan 227 monıtorıngtik top qurylǵanyn atap ótti. Qoǵamdyq negizde bul jumysqa shamamen 1 630 adam tartyldy, biraq olardyń kelisilgen ádistemelik usynymdary joq.

Osyǵan baılanysty Indýstrııa jáne ınfraqurylymdyq damý mınıstrligine Eńbek jáne halyqty áleýmettik qorǵaý mınıstrligimen birlesip, 2 aı ishinde monıtorıngtik toptardyń músheleri úshin ádistemelik usynymdardy pysyqtap, olarǵa oqytý uıymdastyrý usynyldy.

Sońǵy jańalyqtar

Elimizde kıik sany kóbeıip keledi

Qazaqstan • Búgin, 14:41

ShQO-da elikti atqan brakoner sottaldy

Qoǵam • Búgin, 11:20

Shýchınskide bazar órtendi

Oqıǵa • Búgin, 09:27

Ań patshasy kóbeıdi

Ekologııa • Búgin, 07:42

Uqsas jańalyqtar