PARTIIа BEDELI – ISKERLIK PEN IZDENISTE

“Nur Otan” HDP Mańǵystaý oblystyq uıymynyń kezekti HI konferensııasynda oblys ákimi, partııanyń oblystyq fılıalynyń tóraǵasy Qyrymbek Kósherbaev “Oblystyq uıymnyń 2008-2009 jyldardaǵy jumys qorytyndylary jáne aldaǵy mindetter týraly” baıandama jasady. Oblys partııa uıymy el damýyna erekshe serpin berip, mańyzdy mindetter júkteıtin Elbasymyz Nursultan Nazarbaevtyń “Jańa onjyldyq – jańa ekono­mıkalyq órleý – Qazaqstannyń jańa múmkindikteri” atty Joldaýyn iske asyrýǵa halyqtyń barlyq toptaryn jumyldyrýǵa aıryqsha mańyz berýde.  Strategııada kór­setilgen mindetterge oraı óńirlik is-qımyl josparymyzda belgilengen árbir nysannyń ındýstrııalyq-ınnovasııalyq, ınvestısııalyq jobalardyń iske asýyna árbir adamnyń belsendiligi men kúsh-ji­gerin jumyldyrý basty maq­satymyz, – deıdi Q.Kósherbaev óz sózinde. Shyndyǵynda da bul kúnderi óz qataryna 25 myńǵa jýyq partııa múshelerin biriktirip otyrǵan 273 bastaýysh partııa uıymy áleýetti kúshimizdi abyroıly ortaq iske, óńirimizde uıyǵan yntymaq bolyp, tatýlyq pen dostyqtyń tamyry tereńdeı, el eńsesi kóterile túsýi jolynda jumys jasap keledi. Aımaǵymyzdaǵy ıgilikti is-sharalar­dyń barlyǵyna derlik nurotandyq­tar  belsene aralasady. Birqatar ózekti máseleler olardyń tikeleı bastamasymen, qajetti jerinde tabandy túrde talap etilýi nátıje­sinde júzege asyrylyp jatatyn­dyǵy kóńilge qýanysh uıalatady. О́tken jyly máslıhattardaǵy “Nur Otan” fraksııalarymen, máslıhat depýtattarymen birlese otyryp, bólingen qarjylardyń tıimdi jumsalýyna, berilgen tapsyrma­lardyń oryndalýyna partııalyq baqylaý jolǵa qoıylypty. Osy rette aýmaqtyq fılıaldar­da 57 partııalyq baqylaý postylary qurylyp, olardyń baqylaýynda bolǵan nysandardyń 97 paıyzyn­daǵy jumystar tolyqtaı sapaly aıaqtalǵan. Sondaı-aq sybaılas jemqorlyqqa qarsy kúresti tıimdi, júıeli júrgizý jolynda qoǵamdyq uıymdarmen, buqaralyq aqparat quraldarymen birlese jumys júrip, mekeme, kásiporyn keńselerinde “senim telefondary” ornatylypty. Konferensııa delegattary uıym­nyń saıası keńesin quryp, oblystyq fılıaldyń tóraǵalyǵyna oblys ákimi Q.Kósherbaevty saılady. Tór­aǵanyń birinshi orynbasarlyǵyna J.Qaraev taǵaıyndaldy. Jolaman BOShALAQ, AQTAÝ.