Medısına • 08 Shilde, 2021

Nur Otan-da medısına qyzmetkerleriniń quqyqtaryn qorǵaý sharalary qaraldy

53 ret kórsetildi

О́ńirlerdegi densaýlyq saqtaý nysandary qurylysynyń sapasy jáne medısına qyzmetkerleriniń quqyqtaryn qorǵaý sharalary «Nur Otan» partııasy janyndaǵy Ult densaýlyǵy máseleleri jónindegi respýblıkalyq qoǵamdyq keńestiń otyrysynda talqylandy, dep habarlaıdy Egemen.kz.

Densaýlyq saqtaý mınıstrliginiń ókili Danaı Smaǵulovtyń aıtýynsha, búginde «Nur Otan»-nyń saılaýaldy baǵdarlamasyn iske asyrý jónindegi Jol kartasy aıasynda Nur-Sultan jáne Almaty qalalarynda eki ǵylymı-ınnovasııalyq kópbeıindi aýrýhananyń qurylysy bastaldy. Aımaqtarda 5 jyl ishinde 20 zamanaýı medısınalyq ortalyq ashý josparlanyp otyr. Sonymen qatar barlyq eldi mekenderdi feldsherlik-akýsherlik jáne dárigerlik ambýlatorııalarmen qamtamasyz etý jumystary júrgizilýde.

Osy oraıda, partııa keńesi qurylystyń sapasy men merzimin saqtaý jáne salynyp jatqan nysandardy tehnıkalyq jabdyqtaý máselelerine salalyq vedomstvo qyzmetkerleriniń nazaryn aýdardy.

«Júrgizilgen monıtorıng qorytyndysynan «Dárý» Ulttyq ońaltý ortalyǵynyń qurylys kestesi saqtalmaǵanyn kórip otyrmyz. Al jeke medısınalyq uıymdar men klınıkalarda talaptardyń biryńǵaı tujyrymdamasynyń bolmaýyna baılanysty halyqqa alǵashqy medısınalyq-sanıtarlyq kómek kórsetý boıynsha «Úıdegi dáriger» jobasyna qatysý úshin qıyndyqtar týyndady», dedi elordalyq keńes tóraıymy Dınara Orazalına.

Partııanyń baspasóz qyzmeti habarlaǵandaı, otyrys barysynda Keńes músheleri medısına qyzmetkerleriniń kásibı jaýapkershiligin saqtandyrý tetikterin jetildirýdi jáne oblystar men respýblıkalyq mańyzy bar qalalardyń Qoǵamdyq densaýlyq saqtaý basqarmalary janyndaǵy pasıentterdiń quqyqtaryn qorǵaý jónindegi táýelsiz ombýdsmen laýazymyn engizýdi usyndy.

Densaýlyq saqtaý mınıstrliginiń Ǵylym jáne adamı resýrstar departamentiniń dırektory Gúlnaz Tańatarovanyń aıtýynsha, vedomstvo medısına qyzmetkerleriniń mártebesin arttyrýǵa, olardyń quqyqtary men múddelerin qorǵaýǵa, eńbek jaǵdaılaryn jaqsartýǵa baǵyttalǵan zań jobasyn ázirlegen.  

Atap aıtqanda, «kinásiz» júıesi bar qoldanystaǵy saqtandyrý kompanııalary arqyly (sotqa deıin ótemaqy tóleý) medısınalyq qyzmetkerlerdiń kásibı jaýapkershiligin saqtandyrýdy kezeń-kezeńimen engizý josparlanǵan, onda jumys berýshi saqtandyrýshy bolady. Sondaı-aq emdeýdiń «trafarettik» tásili alynyp tastalyp, pasıenttermen aradaǵy daýdy retteýmen aınalysatyn medıasııa qyzmeti engiziledi.

Otyrys qorytyndysy boıynsha Keńes birqatar usynymdar ázirledi. Olardyń qatarynda medısınalyq quqyq buzýshylyqtar jónindegi normany Ákimshilik kodekske aýystyra otyryp, Qylmystyq kodekstiń 317-babyn qaıta qaraý, medısına qyzmetkerleriniń kásibı jaýapkershiligin erikti saqtandyrýdyń tıimdi tetikterin pysyqtaý usynysy da bar.

Sońǵy jańalyqtar

Qazaqstanda et qymbattady

Qoǵam • Búgin, 15:10

Elimizde kıik sany kóbeıip keledi

Qazaqstan • Búgin, 14:41

ShQO-da elikti atqan brakoner sottaldy

Qoǵam • Búgin, 11:20

Uqsas jańalyqtar