Astana Hub tehnoparkiniń onlaın platformasynda baǵdarlamalarǵa qatysýǵa ótinimderdi qabyldaýdan bastap, salyqtyq jáne vızalyq preferensııalar alatyn tehnopark rezıdentteri úshin onlaın eseptilikti toltyrýǵa deıingi barlyq iri jáne usaq prosester avtomattandyrylǵan.
QR sıfrlyq damý jáne aeroǵarysh ónerkásibi mınıstri Baǵdat Mýsın óziniń alǵy sózinde 3 jyl ishinde tehnoparkte myńnan astam tehnologııalyq kásipkerler men arnaıy salyq jáne vızalyq rejımderdiń 507 qatysýshylarynan turatyn qaýymdastyq qurylǵanyn atap ótti. Búgingi tańda Astana Hub 12 mıllıonnan astam paıdalanýshyny qamtıdy. Tehnopark startap-ındýstrııanyń ózegi jáne ártúrli deńgeıdegi tehnologııalyq kásipkerler úshin múmkindikter ortalyǵy bolyp sanalady.
Sıfrlyq astanahub.com tehnoparki - bul Qazaqstannyń IT-salasynyń barlyq qatysýshylarynyń online-quraldary men kommýnıkasııalarynyń biryńǵaı platformasy. Ol oqýshylar, frılanserler, startaperler, IT-kompanııalar, ınvestorlar, korporasııalar men memlekettik organdary kiretin keń maqsatty aýdıtorııaǵa eseptelgen. Olardyń árqaısysy tapsyrysty alýdan bastap ınvestısııalardy tartýǵa deıin kez-kelgen máselelerdiń sheshimin tabady. Platformanyń ekojúıesinde is-sharalar, qyzmetter, jańalyqtar, blog, bos jumys oryndary, IT-bastamalary bar. Sonymen qatar, kez kelgen bilim berý nemese bıznes baǵdarlamasyna tirkelýge, ótinimdi qashyqtyqtan berýge, al qoldanýshyǵa úıden shyqpaı-aq esep tapsyrýǵa bolady.
Astana Hub bas dırektory Maǵjan Madıev jumystyń aralyq qorytyndylary týraly aıtyp, otandyq startap mádenıetti damytýdaǵy bilim berý baǵdarlamalary, óńirlerdi damytý, rezıdentter úshin eksport múmkindikterimen tanystyrdy.
Bıylǵy jyldyń kúzine qaraı Astana Hub erte satydaǵy startaptar úshin olardyń kelesi deńgeıge kóterilýine kómektesý úshin 5 mıllıonnan 20 mıllıon teńgege deıingi qarjylandyrý júıesin iske qosady. Baǵdarlamaǵa qatysýshylar sarapshylardyń súıemeldeýine ıe bolyp, sátsizdik táýekelderin edáýir azaıtady. Barlyq prosess tolyǵymen sandyq formatta, onyń ishinde eseptilikte bolady.
Astana Hub-tyń basty maqsaty - tehnologııalyq ónimderdiń eksporttyq áleýetin damytý jáne ssy baǵytta 2025 jylǵa qaraı 500$ mln kórsetkishke qol jetkizý. Qazirgi kezde startaptar 34,5 mlrd teńge tartty. Habqa qatysqan kompanııalardyń jalpy tabysy 98,9 mlrd teńgeni quraıdy.
3 jyl ishinde tehnoparkte 10 000-nan astam adam oqyp, 6 138 jumys orny ashyldy.
О́tken jyldan bastap hab óziniń bilimi men tájirıbesin Qazaqstannyń barlyq óńirlerine tarata bastady.
