Saıasat • 09 Shilde, 2021

Áńgime arqaýy – áleýmettik kásipkerlikti damytý

63 ret kórsetildi

Máýlen Áshimbaev jumys saparymen Almaty oblysyna bardy, dep habarlady joǵary Palatanyń baspasóz qyzmeti.

Senat Tóraǵasy sapar bary­synda oblystyń jáne Alma­ty qalasynyń áleýmettik kásip­ker­lerimen kezdesti. Sondaı-aq agroónerkásip keshenin damy­týǵa arnalǵan memlekettik baǵ­darlamanyń óńirde iske asyrylý barysymen tanysty.

Áleýmettik kásipkerlermen kezdesýge qatysýshylar osy salany órkendetý perspektıvalaryn talqylap, óz usynystaryn jetkizdi.

Senat Spıkeri sońǵy jyldar­da áleýmettik kásipkerliktiń eko­nomıkalyq damýdaǵy róli artqa­nyn, sondyqtan memleket tarapynan bul salany jetildirýge erekshe kóńil bólinip kele jat­qanyn aıtty.

«Áleýmettik kásipkerlik – jańa baǵyt­tar­dyń biri. Onyń bolashaǵy zor. Bul sala tabys tabýmen qatar, azamattardyń ózekti áleý­mettik máselelerin sheshýge múmkindik beredi. Sondyqtan Prezıdentimiz Qasym-Jomart Kemeluly Toqaev kásipkerliktiń bul túrine basa mán berip otyr», dedi Máýlen Áshimbaev.

Sondaı-aq ol Memleket basshysynyń tapsyrmasy bo­ıynsha áleýmettik kásipkerlikti damytýdy kózdeıtin zań ázirlenip, qabyldanǵanyn tilge tıek etti. Atalǵan qujat senatorlardyń bastamashylyǵymen daıarlan­ǵanyn aıta ketken jón.

«Bul zańda alǵash ret áleý­met­tik kásipkerlikke zańnamalyq turǵydan túsinik berilgen. Osy zań arqyly áleýmettik kásip­ker­lerdi qoldaýǵa arnalǵan naqty sharalar da anyqtaldy. Atap aıtqanda, salyqtyq jeńildikter men nesıeniń ústeme aqysyn sýbsıdııalaý jáne jaldaý qunyn tóleý sııaqty qarjylaı qoldaý qarastyrylǵan. Memleket menshi­gindegi ǵımarattardy jeńil­dikpen jalǵa berý múmkin­digi de nazarǵa alyndy. Odan bó­lek, memleket tarapynan áleý­mettik mańyzy bar jobalardy iske asyrý úshin granttar bó­li­nedi», dedi Senat Tóraǵasy.

Máýlen Áshimbaev elimizde áleýmettik kásipkerlikti júıeli túrde qoldaý úshin asa mańyzdy qadam jasalǵanyn aıtty. Ol óz sózinde aldaǵy ýaqytta senatorlar bul salany odan ári qoldaýǵa arnalǵan jańa tetikterdi usynýǵa jáne olardy talqylaýǵa daıyn ekenin jetkizdi.

Sonymen qatar Senat Spı­keri sapar aıasynda agrar­lyq baǵytta tabysty jumys istep kele jatqan kóp sala­ly «Baı­ser­ke-Agro» kompanııa­synyń jumy­symen tanysty.

Sharýashylyqqa arnaıy kel­gen Máýlen Áshimbaev kompa­nııanyń Ǵylymı-óndiristik oqy­tý ortalyǵyna at basyn buryp, zertteý jumystaryna nazar
aýdardy. Agroholdıngtiń demonstr­asııalyq alqaby men aýyl­­sha­rýashylyq tehnıka­larynyń jumy­syna kóńil bóldi. Odan bólek, Senat Tóraǵasy agroóner­kásip kesheniniń ǵylymı já­ne tehnıkalyq jetistikter kór­me­simen, seleksııalyq jolmen asyl tuqymdy mal alý jumys­tarymen jáne sút, jylqy ónimderin alý­dyń robottan­dy­rylǵan tásilimen tanysty.

Joǵary Palata Spıkeri Mem­leket basshysy aýyl sharýa­shylyǵyn damytýǵa erekshe kóńil bólip otyrǵanyn aıtyp, agroónerkásip keshenin qoldaý Senat jumysynyń da negizgi basymdyqtarynyń biri ekenin tilge tıek etti.

«Prezıdentimizdiń basta­ma­shylyǵymen jer qatynastaryna qatysty arnaıy zań jobasy ázir­lenip, qabyldandy. Soǵan sáıkes aýyl sharýashylyǵy maqsa­tyndaǵy jerlerdi sheteldik­terge satýǵa jáne jalǵa berý máselesine birjola núkte qoıyl­dy. Sondaı-aq Memleket basshy­synyń tapsyrmasymen Jer reformasy jónindegi komıssııa qurylyp, tabysty jumys istedi. Komıssııanyń usynystary nátı­jesinde aýylsharýashylyq jerlerin jekemenshikke berýge moratorıı uzartyldy. Aýyl sharýa­shylyǵy maqsatyndaǵy jer­lerdi jalǵa alý quqyǵyn satýǵa múmkindik berildi. Bul norma aýylsharýashylyq jerle­rin naryqtyq aınalymǵa engizýge múmkindik beredi», dedi Máýlen Áshimbaev.

Palata Tóraǵasy senator­lar aýyldyq jerlerdiń ınfra­qu­rylymyn damytý, veterınarııa jáne azyq-túlik qaýipsizdigi máselelerin de jıi kóterip kele jat­qanyn atap ótti.  Ol byl­tyrǵy bıýd­jettiń oryndalýy týraly Úki­mettiń ese­bin qaraý kezinde Senat depý­tat­tary agrarlyq sa­la­ny qarjy­lan­dyrýdaǵy olqy­lyq­tarǵa nazar aýdarǵanyn aıtty.

«Aýyl sharýashylyǵynda­ǵy negizgi máselelerdiń biri – sala­nyń tolyq qarjylandyrylmaýy bolyp otyr. Mysaly, 2020 jyly agrarlyq sektorǵa josparlanǵan qarajattyń jartysynan astamy ǵana bólingen», dedi Senat Tóraǵasy.

Sonymen birge Máýlen Áshim­baev eldi alańdatyp otyr­ǵan qýańshylyq máselesine jáne soǵan baılanysty keıbir óńir­lerdegi mal shyǵynyna nazar aýdaryp, bul túıtkildi sheshý úshin Aýyl sharýashylyǵy mınıs­tr­ligi tıisti sharalar qabyldaýy ke­rektigin aıty.

«Memleket basshysy Refor­malar jónindegi joǵary keńes­tiń keıingi otyrysynda mal sharýa­shylyǵyna aıtarlyqtaı saldaryn tıgizip otyrǵan qýańshylyq máselesine nazar aýdardy. Qazir­gi tańda bul – búkil eldi alań­datyp otyrǵan problema. Son­dyqtan tıisti mınıstrlik osy máseleni sheshý úshin bar kúsh-jigerin jumsaýy kerek. Bul jolda júıeli qadamdar qajet. Aýyl sharýashylyǵy mınıstrligi je­del túrde ahýaldyń saldaryn taldap, jaǵdaıdy jan-jaq­ty saraptap, máseleni sheshý jol­daryn usynýy tıis», degen Senat Spıkeri kezdesýge qatys­qan Aýyl sharýashylyǵy vıse-mı­nıstrine bul baǵytta belsendilik tanytý kerektigin aıtty.

Sońǵy jańalyqtar

Almatynyń 199 turǵyny koronavırýs juqtyrǵan

Koronavırýs • Búgin, 16:43

Úkimette KQK-daǵy jaǵdaı talqylandy

Úkimet • Búgin, 14:40

Nur-Sultan «sary» aımaqqa ótýi múmkin

Koronavırýs • Búgin, 14:10

OPEK-tiń bas hatshysy kóz jumdy

Álem • Búgin, 13:59

6 shildege arnalǵan aýa raıy boljamy

Aýa raıy • Búgin, 09:43

Shabyt shaqyratyn shahar

Elorda • Búgin, 08:23

Aqjaınaq astana

Elorda • Búgin, 08:22

Ozyq óndiris ornynda boldy

Aımaqtar • Búgin, 08:20

Ult saýlyǵyn ulyqtaǵan megapolıs

Elorda • Búgin, 08:18

Baǵdaryń qalaı, bas qala?

Elorda • Búgin, 08:17

«Astana Operamen» dos bolaıyq

Teatr • Búgin, 08:15

Dımash pen Djekson

О́ner • Búgin, 08:10

Utqanymyz shamaly bolyp tur

Qoǵam • Búgin, 08:05

Irikteýdiń ekinshi kezeńine ótti

Sport • Búgin, 08:02

Egizder festıvali

Qoǵam • Búgin, 08:00

Elordanyń damý dańǵyly

Elorda • Keshe

«Nur-Sultan kitaphanasy»

Elorda • Keshe

Qattalǵan tarıh qazynasy

Elorda • Keshe

Uqsas jańalyqtar