Atyraý oblystyq orman sharýashylyǵy jáne janýarlar dúnıesi aýmaqtyq ınspeksııasynyń resmı ókili Nurlan Imanǵalıevtyń aıtýynsha, 8 shildede áleýmettik jelide Muqyr aýylynyń turǵyndary suqsyr úırekke uqsas qus tabylǵanyn jarııalaǵan.
«Qus adamdardan úrikpegen. Bizdiń ınspektorlar aýyl turǵyndarymen baılanysqa shyqty. Turǵyndar taýyp alǵan qusty Atyraýǵa kele jatqan kólik júrgizýshisi arqyly berip jiberdi. Inspektorlar qusty tekserýden ótkizip, jaraqattanbaǵanyn anyqtady. Suqsyr úırekke uqsas qus «Aqjaıyq» memlekettik tabıǵı rezervatynyń aýmaǵy arqyly Kaspıı teńizine quıatyn kanalǵa jiberildi» deıdi Nurlan Imanǵalıev.
Al jergilikti ornıtolog, «Qansonar» respýblıkalyq qaýymdastyǵy óńirlik ókildiginiń dırektory Aleksandr Ivasenkonyń aıtýynsha, Atyraý oblysynda suqsyr úırektiń birneshe túri kezdesedi. Mundaı qus Qyzyl kitapqa enbegen.
