AÝYLDY О́RKENDETÝGE ÚLES QOSADY

Budan eki-úsh aı buryn “Nur Otan”HDP Aqtóbe oblystyq fılıaly “Jas Otan” jastar qa­na­tynyń belsendi músheleri  eli­mizde birinshi ret “Aýyldyń ór­ken­deýi – Qazaqstannyń órken­deýi” marafon-estafetasyn ót­ki­zýge bastama kótergen bolatyn.

Bul baǵaly bastama “Nur Otan” HDP  oblystyq fılıaly, oblys bas­shy­lyǵy, oblystyq ishki saıasat bas­qarmasy tarapynan qoldaý taýyp, uıymdastyrý jumystary bastalyp ketken-di. Oblys ákimdiginde stý­denttik qurylys jáne “Jasyl el”  jasaqtaryna, oqýshy jastardyń “Aýyldyń órkendeýi Qazaqstan­nyń órkendeýi” marafon-estafe­ta­syna qatysýshylardyń oblys­tyq sleti ótkizildi. Sletke  oblys basshylary, Aqtóbe qalalyq jáne aýdandyq shtabtardyń bastyqtary, “Nur Otan” “Jas Otan” jastar qa­natynyń músheleri, marafon-estafetaǵa  qatysatyn oqýshy jastar, stýdenttik qurylys jáne “Jasyl el” jasaqtarynyń koman­dırleri, qurylys mekemeleriniń basshylary, úkimettik emes uıym­dar, saıası partııalar men arda­ger­ler uıymdarynyń, ata-analar qaýymdastyǵynyń ókilderi qatys­ty. Olardyń arasynda 300 jasaq­tyń komandırleri bar. Olar osy ma­rafon-estafetaǵa qatysýshy­lar­dyń jumysyn uıymdastyrady, atqarylatyn sharýalarǵa muryn­dyq bolady. Sletti kirispe sóz sóılep ashqan oblys ákiminiń orynbasary Sara Nurqatova bul aksııaǵa oblys boıynsha 50 myń jas qatysaty­nyn, mundaı baǵaly bastamanyń jastardyń boıynda eńbekqorlyq qabiletti qalyptastyryp qana qoı­maı, otansúıgishtik, eljandy­lyq qasıetti de ornyqtyratynyn jetkizdi. Eldi mekenderdi kógal­dan­dy­rý, kóriktendirý jumystary bastalǵanyn, alǵashqy kúnderi ár otbasy óz úıiniń mańyna ata-áje­si, ata-anasy, balalary-nemereleri úshin úsh túp kóshetten otyrǵyzýǵa uıytqy bolýy qajettigin aıtty. Sonda oblys boıynsha 300 myń túp kóshet otyrǵyzylady eken. Slette oblystyq ishki saıasat bas­qarmasynyń bastyǵy Ahat Myrzalın sóılep, jastarǵa oblys ákimdigi tarapynan jasalyp otyrǵan qoldaý-kómekke toqtaldy. Bıyl stýdenttik qurylys, “Jasyl el” jasaqtaryna jáne atalǵan  marafon-estafetada úzdik eńbek etken ujymdar men jastardy ma­rapattaýǵa oblys ákimdigi 50 av­to­mobıl men 1000 noýtbýk bólip otyrǵanyn jastardy qoldaýdyń naqty mysaly retinde keltirdi. Eldi mekenderdi tazartýǵa, kóshet­ter egip, abattandyrý jumystaryn tııanaqty da tyndyrymdy atqarý­ǵa qolaıly jaǵdaı jasalǵan. Bıýd­jetten osy sharalarǵa 500 mln. qarjy qaralǵan. Jastarǵa  kıim­der berilip, olar tegin tamaq­tan­dyrylatyn bolady. Bul baǵaly bas­tamanyń qaıtarymdy bolaty­ny­na da kúmán joq, dedi A.Myr­zalın. Aqtóbe polıtehnıkalyq kol­ledji­niń oqýshysy Parasat Aqqa­lıev stýdenttik qurylys otrıa­dynda birneshe jyl jumys istep, eńbektiń dámin tatyp qalǵan jas eken. Ol ótken jyly eseli eńbegi úshin oblys ákimi Eleýsin Saǵyn­dyqovtyń qolynan jeńil avto­kóliktiń kiltin alypty. Mańdaı terletip eńbek etýdiń elenbeı qal­maıtynyn tilge tıek etken ol jastyq jalynmen jumys isteýdiń tıimdiligine toqtaldy. Muǵal­jar­lyq Marat Zııadınov aýyl jas­ta­ry 42 eldi mekendi abattandyrýǵa atsalysatynynan habardar etti. Al Qobda aýdany Jırenqopa orta mektebi dırektorynyń orynba­sary Sulýshash Quttybaeva óziniń týǵan aýylyn, ósken aýlasyn óz qolymen kóriktendirip, kógaldan­dyrǵan balanyń ásemdikti baǵalaı biletinin jetkizdi. Sletke qatysýshylar marafon-esta­fetany tabysty ótkizýge, el damýyna ózindik úles qosýǵa ju­my­la atsalysý úshin oblys jas­ta­ryna arnap úndeý qabyldady. Saltanatty sharadan keıin  jastar qalanyń kórikti jerlerin tama­shalady. Satybaldy SÁÝIRBAI,  Aqtóbe oblysy.