Jobany «ARCUS» damý ortalyǵy men «Alramı» mentaldy aýytqýlary bar tulǵalarǵa arnalǵan qoǵamdyq birlestik klýb úıi uıymdastyrǵan.
Chellendjdi 30-dan astam adam qoldady. Olardyń ishinde «Alramı» klýb úıi men «ARCUS» damý ortalyǵynyń músheleri, «Qazaqstan alıýmınııi» AQ jáne «Jasyl El» Jastar jasaqtarynyń eriktileri, belsendiler, mentaldy aýytqýlary bar adamdar jáne ekologııa máselelerine beı-jaı emes azamattar bar. Qatysýshylar Ertis ózeniniń jaǵalaýyn tazalap, 40 qap qoqys jınady.
«Alǵash ret mundaı senbilikti biz 2019 jyly ótkizdik, sodan beri bul biz úshin jaqsy dástúrge aınaldy. Biz mindetti túrde chellendjimizdi jalǵastyramyz jáne aldaǵy ýaqytta áleýmettik jelilerde senbilikter týraly aqparat jarııalaıtyn bolamyz. Barlyq nıet bildirýshiler bizben birge qatysa alady. Tabıǵatty baǵalaıyq jáne búldirmeıik! О́ıtkeni, bul bizdiń densaýlyǵymyz ben bolashaq urpaqtyń densaýlyǵy!», dedi «ARCUS» damý ortalyǵynyń jetekshisi Alına Batareeva.
Uıymdastyrýshylardyń aıtýynsha, bul aksııa halyqtyń ekologııalyq mádenıetin qalyptastyrýmen qatar, psıhonevrologııalyq aýrýlary bar adamdardyń áleýmettenýine yqpal etedi.
Aıta ketsek, aǵymdaǵy jyldyń 24 shildesinde ár óńirde jartastar men sý aıdyndaryn tazartý boıynsha aýqymdy ekoaksııalar ótedi jáne olarǵa kez kelgen adam qosyla alady.
Marafonǵa #QAIYRYMDYISTERMARAFONY #MARAFONDOBRYHDEL resmı heshtegterimen áleýmettik jelilerde óz ıgi isterimen bólise otyryp, kez kelgen adam qosyla alady.
