«Bul tekserý, dıagnostıka jáne emdeýdiń qazirgi zamanǵy ádisterine neǵurlym keń qol jetkizýge múmkindik beredi. Onymen qosa, medısına qyzmetkerlerine mekemelerdiń ákimshiliginen táýelsiz qyzmet etetin bolady. Bul óz kezeginde zańsyz áreketterdiń yqtımal faktilerin jasyrýdy joıady», dedi mınıstr.
Oǵan qosa, sottalǵandardy kolonııada ustaý jaǵdaılaryn jaqsartý bóliginde byltyrǵy jyldyń aqpan aıynda sottalǵandardyń tamaqtaný normalary 40%-ǵa, sálemdemeler men saýqattardyń ruqsat etilgen salmaǵy úshten birge artqany da belgili boldy.
Mınıstrdiń sózinshe, taǵy bir mańyzdy másele – bas bostandyǵynan aıyrylǵan adamdardy jumyspen qamtý. Jumysqa ornalastyrylǵan sottalǵandardyń sany ótken jyldan bastap 38%-dan 49%-ǵa deıin artqan. Bul olardyń qoǵamǵa beıimdelýine yqpal etedi. Sonymen qatar jábirlenýshilerge keltirilgen materıaldyq zalaldy tóleýge jáne otbasyna jiberip otyrýǵa múmkindik beredi.
«О́zimen birge alyp júrýge, sálemdemelerdi alýǵa jáne satyp alýǵa ruqsat etiletin zattardyń tizbesi keńeıtildi. О́tken jyldan bastap kolonııalarda «elektrondy dúkender» engizile bastady. Sondaı-aq kezdesýler sany artty», dep túsindirdi QR Ishki ister mınıstri.
