«Azamattarǵa arnalǵan úkimet» memlekettik korporasııasynyń Batys Qazaqstan oblysy boıynsha fılıaly dırektory Nádir Qurymbaev óńirde koronovırýs taralýy kúsheıip turǵandyqtan, halyqqa qyzmet kórsetý ortalyqtaryna balama bolatyn buryshtardy kóbirek ashý jóninde tapsyrma berdi.
«Aqparattyq damý, ınnovasııalar jáne aeroǵarysh ónerkásibi mınıstri Baǵdat Mýsınniń jáne oblys ákimi Ǵalı Esqalıevtiń tikeleı tapsyrmasy boıynsha ózine- ózi qyzmet kórsetý sektorlary Oral qalasynyń ár aýmaǵynan ashylyp otyr. Bul sektorlar halyqqa qyzmet kórsetý bólimderine júginbesten, elektrondyq qyzmetterdi óz betimen alýǵa múmkindik beredi. Sol arqyly HQO bólimderinde adamdardyń kóptep jınalýyn boldyrmaýdy kózdep otyrmyz», dedi N.Qurymbaev.
Aıta keteıik, aýdandyq halyqqa qyzmet kórsetý bólimderinde ózine-ózi qyzmet kórsetý buryshy burynnan bar. Aýyldyq okrýgterde elektrondyq qyzmetti jergilikti ákimdikte alýǵa bolady.
Búginde ózine-ózi qyzmet kórsetý sektorlary dúısenbi-juma kúnderi tańǵy saǵat 9.00-den keshki 18.00-ge deıin ashyq bolady.
