«Memleket basshysy Qasym-Jomart Toqaevtyń 10 shildedegi Úkimettiń keńeıtilgen otyrysynda bergen tapsyrmalaryn iske asyrý maqsatynda, bizdiń mınıstrlik qurylys materıaldary men turǵyn úı baǵasynyń ósýin tejeýge qatysty birqatar keshendi sharalar qabyldady.
Atap aıtqanda, elimizde qurylys materıaldarynyń baǵasyn turaqtandyrý maqsatynda Úkimet «Atameken» ulttyq kásipkerler palatasymen birlesip sala boıynsha baǵa ósimine boljam jasaý, óndirýshiler men qurylysty salýshylardyń arasynda tikeleı uzaqmerzimdi kelisimshart jasaý sharalary qolǵa alyndy», dedi QR Indýstrııa jáne ınfraqurylymdyq damý birinshi vıse-mınıstri Qaıyrbek О́skenbaev OKQ-de ótken baspasóz máslıhatynda.
Sonymen qatar vıse-mınıstr elimizde qandaı qurylys materıaldary baǵasynyń óskenin jáne onyń sebebin atap ótti.
«Shara qabyldamas buryn sońǵy 5 jyl ishinde Qazaqstanda qurylys materıaldary men jyljymaıtyn múlik baǵasyna boljam jasaldy. Qurylys materıaldarynyń ishinde ásirese sement, armatýra, kirpish, gazdy beton baǵasy kenetten óskeni baıqaldy. Saldarynan turǵyn úıdiń baǵasy da ósken. Qurylys materıaldary baǵasynyń ósýi bıyl da baıqalady. Jáne baǵa tek Qazaqstanda ǵana emes álem boıynsha ósip otyr. Oǵan sebep devalvasııamen qatar pandemııanyń saldarynan logıstıka boıynsha shyǵyndy shekteý», deıdi ol.
