Olar 10 aılyq eseptik kórsetkish mólsherinde aıyppul tóleýge mindetteldi. Bul jaǵdaı Jańaózen qalalyq bilim bólimi men ákimdik janyndaǵy kámeletke tolmaǵandardyń isi jónindegi komıssııada qaraldy.
Esterińizge sala keteıik, maýsym aıynda Qyzylsaı aýylynda oqýshy velosıpedten qulap qolyn syndyrady. Jaqyndary dárigerge aparýdyń ornyna emshige júgingen. 10 kúnnen soń shuǵyl aýrýhanaǵa túsken balanyń oń qoly shyntaǵyna deıin kesildi. Taıaýda úıine shyǵaryldy.
«Ata-anamen túsinik jumystary júrgizilia, aıyppul salyndy. Munyń bári sottyń sheshimimen júzege asyryldy. Kópbalaly otbasy eken. Bizdiń óńirimizde mundaı jaǵdaı odan ári de oryn almaýy úshin qorǵanshylyq-qamqorshylyq mamandary, bilim salasy boıynsha tárbıe jónindegi mamandar ata-analarmen keń kólemde jumystar júrgizip jatyr», dedi Bilim basqarmasy basshysynyń orynbasary Aıjaqsy Turjanova.
