Elorda • 12 Shilde, 2021

Nur-Sultanda kúnine 8 myńdaı adam ekpe saldyrýda

42 ret kórsetildi

Elordada vaksınasııa alǵandar qatary artyp keledi. Maýsym aıynda kúnine orta eseppen 1500-2000 adam ekpe alsa, qazir kúnine 8 myńǵa jetti, dep habarlaıdy Egemen.kz.

Qazirgi ýaqytta vaksınanyń birinshi komponentin 286 myńǵa jýyq adam aldy. Al 172 myńnan astam adam tolyq ımmýndaýdan ótti. Vaksınasııanyń ósý qarqyny qaladaǵy epıdemıologııalyq jaǵdaıdy jaqsartýǵa, qala turǵyndary arasynda koronavırýs ınfeksııasyn toqtatýǵa, mektep oqýshylary men stýdentterdiń oflaın oqytý formatyna oralýyna, sondaı-aq ujymdyq ımmýnıtetti qalyptastyrýǵa múmkindik beredi.

Qalanyń Qoǵamdyq densaýlyq saqtaý basqarmasy eńbek ujymdary men jekelegen uıymdardyń qyzmetkerlerin vaksınasııalaý jumysy belsendi júrgizilip jatqanyn habarlady. Saýda keshenderi men saýda úılerinen, kommýnaldyq qyzmetterden, PIK (MIB) qyzmetkerlerinen, iri qurylys kompanııalarynan, mektepke deıingi jáne bilim berý mekemelerinen, jeke uıymdardan jáne t.b. ótinishter túsýde.

«Basshylyq ujymymyzdy vaksınalaý úshin arnaıy brıgada keletinin málim etti. Bul biz úshin jasalyp otyrǵan qolaıly jaǵdaı dep sanaımyz. Tańnan keshke deıin jumystamyz, vaksına alýǵa baratyn ýaqytymyz bolmaıdy. Al ózimde vaksınasııaǵa degen eshqandaı qorqynysh, alańdaýshylyq bolǵan emes. Qaıta aýyryp, aınalama juqtyrýdan qorqamyn. Áriptesterimmen oıymyz bir, sol sebepti ekpe alý úshin kezekte turmyz», deıdi bank qyzmetkeri Qalamqas Ádiljanova.

Eske sala keteıik, elorda turǵyndaryn vaksınasııalaýǵa yntalandyrý úshin túrli syılyqtardyń utys oıyny ótip jatyr.

Sońǵy jańalyqtar

Shymkentte taǵy bir aýdan qurylady

Qoǵam • Búgin, 16:58

Almatyda qant qymbattap barady

Qoǵam • Búgin, 16:45

Dollar baǵamy ósti

Qarjy • Búgin, 16:12

Uqsas jańalyqtar