«Búginde sý qaýipsizdigi máseleleri úlken mańyzǵa ıe. Qazaqstannyń qolda bar sý resýrstary jer asty sýlary men ózen aǵysynyń qorlarynan turady. О́zen resýrstarynyń naqty kórsetkishteri sońǵy jyldary shamamen 90-100 tekshe km quraıdy. Onyń ishinde 50,8 tekshe km jergilikti aǵyn, al 39,2 tekshe km Qytaıdan, Ortalyq Azııa elderinen jáne Reseıden transshekaralyq ózender arqyly kelip túsedi. Reseı Federasııasyna ketetin aǵyn bolsa jylyna orta eseppen 16,5 tekshe shaqyrymdy quraıdy», dep málimdedi Maǵzum Myrzaǵalıev.
Kezdesý barysynda mınıstr jerasty sý qorymen qatar qajetti sý kólemi jaıly málimet berdi.
«3,5 myńnan astam ken oryndarynda 15,5 tekshe shaqyrym kóleminde jerasty sýlarynyń rastalǵan qory bar. Geografııalyq turǵydan olar birkelki bólinbegen batystaǵy ken oryndarynyń 20%-dan kem bolsa, ortalyq, soltústik jáne shyǵys aımaqtarda 30% jáne eldiń ońtústiginde shamamen 50%-dy quraıdy. Jalpy ekologııalyq qajettilikterge shamamen 50 tekshe shaqyrym sý qajet. Paıdalanylatyn sýdyń jalpy kólemi - shamamen 25 tekshe shaqyrym. Onyń ishinde aýyl sharýashylyǵyna – 15 tekshe shaqyrym (65%), ónerkásipke – 6 tekshe shaqyrym (30%) jáne kommýnaldyq sharýashylyqqa – 1 tekshe shaqyrym (5%) tıesili. Al tasymaldaý kezindegi shyǵyndar 3 tekshe shaqyrymdy quraıdy», dep túsindirdi mınıstr.
